تعلم الotc عن الامساك(1)

السلام عليكم ورحمة الله وبركاتة
ازيكم اتمنى تكونوا بخير....نتابع النهاردة الموضوع التالت الخاص بGIT
كنا ناقشنا حتى الان الارتجاع والاسهال....والنهاردة حناخد موضوع الامساك
(انا عارف المواضيع ابتدت ريحتها تبقى وحشة بس هانت فاضل الريجيم والانيميا
يعنى استحملونا النهاردة بس....خلاص)
المقدمة
ممكن نكون واقفين فى الصيدلية ونلاقى واحد بتاع تسعين ستين سنة كل يومين
يدخل يقولك واحدة بيكولاكس لو سمحت...او اى نوع بيتاخد للامساك...
وانت تقول اية الراجل دا بياكل زلط....علطول كدة عندة امساك....
لكن هل الراجل دا كدة صح؟هل الامساك دا طبيعى؟هل السن بيأثر؟يكونش الراجل دا
بيضربة؟فى اسألة كتير ممكن تتسأل....وطبعا كلنا تقريبا مش حنسألة انت بتاخدة لية
لانة لو رد عليك حيقولك علشان الامساك....حتقولة طيب ياحج...حيقولك انا برتاح علية
ويبدأ يحكيلك قصة سكرات الموت وانة خلاص العمر معدش فية...واننا مش حناخد زمنا
وزمن غيرنا...انت مش واخد بالك هوا مكسوف يتكلم...ومن الاخر بيتوهك...
وانت غلطان لان سؤالك هوا السبب...لازم تعرف ازاى تسألة من غير ماتحرجة وتخلية
يبدأ يجاوب
(وفعلا كتير من الصيادلة بيفتقدوا اسلوب الاسئلة السليم...بيسال السؤال بطريقة
مباشر محرجة...)
يعنى مثلا فى موضوع الارتجاع...متسالش بنت انتى بتقرعى؟
ماهى اكيد حتقولك لأ...وصباح الاحراج وحتبقى عايزة تسيبك وتمشى...
انما فهمها قولها الصمام بين المعدة والمرىء بيرتخى ويضعف شوية..ودا بيخلى
البنى ادم..حاسس بالحموضة والغازات نتيجة التخمر فى معدتة..وبعدين اسألها
انتى حاسة ان فى هوا فى معدتك؟ يعنى اختار الصيغة اللى تريحك...بس احترم
المريض متحسسوش انة جربان واقف قدامك
المهم خلينا فى موضوعنا...يلا بينا
الامساك CONSTIPATION
1-ANATOMY
االجانب التشريحى مهم جدا...لانة هوا دا اللى حيعرفنا اية هيا الوظايف الاساسية
لكل جهاز فى جسمنا..وعايز اوصلكم حاجة مهمة...
اى علاج هدفة هو محاولة اعادة الجسم الى ميكانزماتة الطبيعية اللى خلقهالة
ربنا ماعدا حالة العيب الخلقى.....علشان كدة المفروض اننا كنا درسنا اناتومى
وهيستولجى زى دكاترة طب ولعلمك الكورسين دول من اهم الفوراق مابنا...
فى صور كتير فى الجزء دا ...بس انا شايف ان الصورة دى كفاية ومعبرة عن
الموضوع نبدأ نناقش الاناتومى فى صورة سؤال وجواب
اية هوا طريق الاكل من المعدة حتى خروجة من الجسم على هيئة فضلات؟
اولا المعدة بتقوم بخض وعجن الاكل وتحول صورة الاكل الصلبة الغير متناسقة
الى صورة مايقرب من العصارة غليظة القوام وبعد كدة تدخل الامعاء SMALL INTESTINE
وهناك بيحصل من خلالها استخلاص السعرات والطاقة وبعد كدة تدخل القولون
LARGE INTESTINE وهنابيبقى العملية الاساسية
هيااستعادة السوائل الموجود فى الSTOOL وتحويلة من الصورة
السائلة للصورة اللى بيخرج عليها ولو نظرنا بعمق فى القولون حنلاقى ان الفضلات بتتحرك
جواة بسبب ال MUSCLE CONTRACTION حتى وصولها الى الRECTUM
يمكن الPATHOPHYSIOLOGY هنا واضح جدا...ان لو حركة القولون بقت
بطيئة حيزيد معدل امتصاص السوائل وطبعا تزداد صلابة الSTOOL لحد مايتحول
لقطع صغيرة طولية صلبة..بتبقى مؤلمة دا اذا خرجت اساسا
قبل ماندخل فى اسباب الامساك لازم نعرف اية اكتر حاجة الناس فهماها غلط
الناس بتسألها وبتجاوبها غلط ودورك كصيدلى اقناعهم بالعكس
2-WRONGE INFORMATIONS
1-هل لازم ندخل الحمام كل يوم عشان نتخلص من الSTOOL ؟
الاجابة طبعا لأ....وسبق قولنا الSTOOL PATTREN وهيا تعبر عن المعدل الطبيعى
للتخلص من الفضلات وهيا تانى:-
من مرة واحدة كل 3 ايام حتى 3 مرات باليوم الواحد
(طبعا فى شوية اختلافات بسيطة بين انسان والتانى بس مش بعيدة عن المعدل دا)
يبقى ممكن تقعد 3 ايام من غير ماتتخلص من الSTOOL وتبقى طبيعى جدا...
(مرة واحدة دخلتلى الصيدلية وبتقول ان عندها امساك وعايزة اقراص نصار..
طيب ياخالتى بقالك قد اية...بص الرد بقا...تخيل يادكتور امبارح طول النهار ولحد
النهاردة الصبح مدخلتش الحمام..قولتلها لية وانتى قبل كدة كنتى بتدخلى اكتر
من كدة..قالتى اة مرتين فى اليوم...قولتلها طيب مبروك ياحجة انتى كان عندك
اسهال وخفيتى..(سالتها طبعا اسألة تانية وطلع مفيش حاجة فعلا)
2-هل الSTOOL اللى بيستنى فى الجسم دا سموم يتم اعادة امتصاصها؟
تلاقى واحد طول النهار فى الحمام يقولك دى سموم بنتخلص منها لانها ممكن
تمتص وتؤثر علينا بالسلب...ودا اهم سبب من اسباب ال LAXATIVE ABUSE ....
ربنا خلقلنا جسم محكم المهام...وكل حاجة فى مكانها..وبتأدى وظيفتها
3-اهم اسباب الامساكCAUSES OF CONISTIPATION
1-سوء التغذية POOR DIET
ودا من اهم الاسباب..فنقص وجود ال FIBERS بيأثر بشدة لانها بتحافظ على
قوام الSTOOL وطبعا معروف انها بتكون متواجدة فى الخضروات والفواكة
علشان كدة من اهم النصائح اللى تقدمها لمريض الامساك كل خضروات وفواكة كتير
2-نقص السوئل NO ENOUGH FLUID
وطبعا واضح من خلال النقطة دى ان حتى لو كانت حرجة القولون طبيعية
ولكن السوايل قليلة ...حيتم امتصاصها وتصبح صلبة ويبقى المريض عندة
امساك ويبدا ياخد الملينات رغم ان حركة امعاءة سليمة
3-الامساك التخيلى IMAGINARRY CONSTIPATION
ودا بسبب المفاهيم الخاطئة عند الناس...بيعتقدوا ان الفضلات دى سموم وانها
لو باتت فى الجسم يبقوا حيتسمموا..وانهم لازم يدخلوا الحمام مرتين او تلاتة فى اليوم
4-القولون العصبىIRRITABLE BOWEL SAYNDROM (IBS)
وهنا بيحصل SPASM فى القولون وتقف تقريبا حركة القولون
5-POOR BOWEL HAPPITS
ودا مهم اوى اوى وهى بجملة واحدةIGNORING THE URGE
او تجاهل الانسان لنداء الطبيعة..او انة يستحمل انة ميدخلش الحمام
وطبعا جهاز الانذار اللى ربنا خلقهولنا دا لو احنا مبقناش نسمع
كلامة خلاصحيبطل يشتغل...
وطبعا رفض النداء دا لية عدة اسباب زى...
فى ناس مش بتحب تستخدم الحمامات العامة..فبيكتم يكتم ويقول
لما اروحوطبعا دا بيؤدى انهم بيفقدوا الانذار المبكر اللى جسمهم
بيدهولهم وبالتالى ممكن يسببلهم امساك...
وكمان الاطفال...(تلاقى الواد مماتة تعدمة العافية لو عمل حاجة
على نفسة علشان يتعلم انة يدخل الحمام...ودا بيؤدى ان الولد يكتم
فى نفسة عايز يلعب ومش فاهم يعينى طفل...فيستحمل ويكمل
لعب...فممكن يعملة امساك)
6-LAXITIVE ABUSE
مدمنى الملينات...وبيكونوا غالبا من كبار السن
ودا نوع من الادمان الاعتيادى زى السجاير كدة تمام HABITUALLY
المشكلة اكبر من كدة...ان المريض بييبقى عندة TOLERANCE يعنى
بيبقى محتاج انة يزود الجرعة ودا بيؤدى ان الامعء متعملش بشكل
سليم وتؤدى الىINTESTINAL ATONY وتقف العضلات نهائيا
7-TRAVEL
اى واحد بيسافر قولنا بيحصلة اسهال وممكن اسهال وامساك كمان
(ممكن تلاقية يومين يسهل ويومين يمسك ويحس ان معدتة هبلة...ودا
راجع الى انى بيغير عاداتة الغذائية واسلوب معيشتة...وكمان الباكتيريا
اللى فى المية....
يسلام الباكتيريا اللى فى المية عندنا .اييييييييييية عزوة برضة وونس وتحس
انهم من اهل معدتك برضة...واللى ينكر كدة يبقى بيخون العيش والملح اللى
اكلوة فى معدتك...سواء رضيت او ابيت)

-HORMONAL DISTURBANCE
ونقصد من هنا الHYPOTHYRODISM بيبقى عندة امساك
9-PREGNANCY
الحمل دا بقا ...انشاء الله حنعمل موضوع خاص بالحوامل عن قريب
اية ادويتهم؟ اية مشاكلهم؟ اية الطبيعى واية مش طبيعى؟
(تانى الحامل ضغطها بيبقى طبيعى او عالى شوية صغنططة لحد الاسبوع ال19
وبعد كدة ضغطها بيوطى...لانها لو دخلت تولد وضغطها عالى مع الحزق الاوعية
الدموية فى مخها حتنفجر..اما لو استمر عالى بيبقى اسمة تسمم حمل ECLAMPSIA
ودى لازم تتعالج قبل الولادة بALPHA METHYL DOPA زى الALDOMET
نص قرص صباحا ونص مساء ودا دوا الضغط الوحيد اللى ينفع تستخدمة...او انها
تستخم ماغنسيوم زى الSPASMAG قرص واحد يوميا وباستمرار علشان يحصل
تقليل لنسب الكالسيوم..وبرضة حتولد قيصرى....يعنى مش واحد يقيس لواحدة
حامل الضغط...يلاقية واطى يتغابى ويديها ايفورتيل...هيا ضغطها ممكن يوصل 60\25
ودا وقتها بتخليها تروح للدكتورة بتاعتها..وهناك بيركبولها محلول واذا استوجب الامر
بيدوها ايفورتيل فى المحلول وفى موقع اسمة الحمل يوم بيوم...بيوضح اية التغير اللى
بيحصل يوميا فى الحمل...ومن المواقع الجميلة جدا والمسلية كمان والمملة فى نفس الوقت ...
تسع شهور مش شوية برضة
المهم...ربنا يسهل فى موضوع الحوامل دا...دى بس النقطة اللى حبيت انوه عنها)
نسيت اقولكم...............بسبب ضغط الطفل على الرحم بيؤدى اللى الضغط على الامعاء
ودا بيعتبر سبب MECHANICAL وايضا بسبب التغير الهرمونى اللى بيكون مصاحب للحمل
(الحوامل علطول عندها امساك....وعلاجتها حنقولها فى الاخر)
10-Fissures and Hemorrhoids
شوف العلاقة بقا اية وافهمها كويس...تلاقى دايما اللى عندة بواسير عندة امساك لية؟؟؟
اولا الامساك قولنا بيتكون HARD PELLETS STOOL ودى بتبقى مؤلمة اوى
وبتعمل تجريحات قية فى الANUS وخاصة للى عندهم بواسير فيحصلهم تقلصات فى
SPASM IN ANAL SPHENCTER MUSCSLE ودا بيقلل من حرجة القولون
11-SPECIFIC DISEASE
ودا زى LUPUS والامراض النفسية والعصبية زى PARKINSONS او الجلطات.
12-LOSS OF BODY SALTS
والجسم لما يفقد املاحة يفقد سوايلة..ودى فى حالة لو فى مشاكل فى الكلي
او الترجيع والاسهال...ممكن بعد مايخف يحصلة امساك بسبب فقد السوايل
13-MECHANICAL CONSTIPATION
ودا بيكون سببة الCANCER او ال DIVERTICULA وهى عبارة عن تغير مكان وضيق
الجزء السفلى من الجانب الايسر من القولون ودا زى ماموضح فى الصورة..
14-NERVE DAMAGE
بيحصل تلف فى الSPINAL CORD اللى بيوصل التعليمات للامعاء
15-MEDICATION
ودى مهمة اوى لان دى شغلتنا ودى زى
1-NARCOTICS(TRAMADOL)
2-AL(ANTACID OR ALEXOPRINE)
3-ANTISPASMODIC DRUGS
4-IRON SUPPLEMENT
5-ANTIHISTAMINIC
6-ANTIDEPRESANT
7-ANTI-PARKINSONS
8-DIURETICS
16-LACK OF EXERCISE
ودى بتضح اوى اوى فى كبار السن...ودا السبب الاساسى فى الامساك عندهم..
تلاقى الراجل كبير...بيشيل رجلة بالعافية وقاعد طول النهار قدام ميلودى...
فامعاءة بتكون ماتت اساسا...مش بتتحرك
17-STRESS AND ANXIETY
وفعلا الناس اللى بيكونوا قلقين ومتوترين مش يفكروا فى الحمام كتير....
طيب طيب طيب طيب طيب طيب طيب طيب طيب طيب طيب طيب طيب طيب طيب طيب طيب طيب طيب طيب طيب طيب طيب طيب
طيب دلوقتى احنا قلنا الاسباب وهما كتير اهم قدامكم....طبعا كل مرحلة سنية
ليها اسبابها يعنى مثلا مش حتلاقى عيل صغير عندة السبب انة LAXITIVE ABUSE
غير لو كان اهلة اغبية اوى بقا....او حيكون عندة LACK OF EXERCISE غير لو كان
الواد مشلول بقا فى اسباب خاصة لكل مرحلة سنية لازم نراعيها...انا حقول كبار السن
واسباب اختيارنا للاسباب دى..وحسيبكم تطبقوا ازاى تفكروا فى السبب على اى فرد
داخل الصيدليةعلى حسب سنة لاننا علشان ننقى العلاج المناسب لازم نعرف السبب الحقيقى؟؟

كبار السن
1-POOR DIET
ودا بيكون لأسباب متوافقة مع اسلوب معيشتهم زى التالى:-
LACK INTEREST OF EATING- بيبقى الراجل خلاص زهق من الاكل
بقالة تسعين سبعين سنة بياكل نفس الاكل...خلاص طهق..نفس الاكل ونفس الزوجة
ونفس العيال..الحاجة الوحيد اللى بتتجدد باستمرار هيا المشاكل...
(علشان كدة الرجالة بتموت قبل مراتتهم فى مصر ....من القرف بيسبوهالهم مخضرة)
-او سبب تانى....سنانة بتكون وقعت
فبياكل اكل لين...زبادى بقا وعيش مبلول وحاجات توجع البطن صراحة...
ومش بياكل خضروات يجيب سنان منين ياعنى ياكل بيها خيارة ولا طمطماية...
حيجيب واحد يندغهالة ويحطهالة فى بقة يعنى....)
2-BED REST
الراجل سبق قولنا طول النهار قاعد...مفيش حركة خالص فالمعدة الامعء نست الحركة جواها
وسبب قعدتة ممكن تكون:-
-هبدتة عربية او تعبان رجلة مش بيمشى بيها
-او مش بيلعب رياضة او يتمشى
(فين ايام زمان كان عداء( بيجرى ورا الاتوبيسات)
ومصارع فى( طوابير العيش)
ولاعب جمباز(لما الدنيا بتشتى والشوارع تتغرق ويتنطط فوق الطوب علشان ميتبلش)
الحكومة واللة بتساعد الناس بممارسة الرياضة...
3- DRUGS
ودى قولناها قبل كدة
4-LAXITIVE ABUSE
ودى مهم ة اوى وحقول عنها حاجة بسيطة...فى ناس فعلا عايشين على الملينات
وهيا رخيصة اساسا...فبتبقى مشكلة...امعائة بيحصل فيها ATONY وخلاص
الموضوع بيبقى خلص...ودى مشكلة فظيعة
5-HABITUAL USE OF ENEMA
فى ناس كبار بقا كيف عندها الحقنة الشرجية...تقولش شيكولاتة
مزاج والله...وهى فعلا فعالة مضحكش عليكم...فى نوعين فى السوق حنقولهم مع الادوية
وكتير كمان بتستخدم بعد العمليات...مش الكبار بس
SERIOUS COMPLICATIONS OF CONSTIPATION
الامساك فى حد ذاتة مش مشكلة كبيرة بالعكس...انما ممكن يكون عرض لمرض اخطر او
يسبب مشاكل اكبر زى التالى:-

1-HEMORRHOIDS
ودا بسبب الحزق الجامدEXTREME STRAINING
2-FISSURES
ودا بسبب الHARD STOOL اللى بيعمل مط او STRECHING SPHICTER
3-BLEED
ودا ممكن يكون بسبب الحاجتين اللى فاتوا وبيكون على هيئة خطوط حمراء خفيفة
BRIGHT RED STREAKS ON STOOL SURFACE
4-FECAL IMPACTION
خد بالك بقا اوى من الجزء دا....بيبقى فى LOSS CONTROL OF STOOL
يعنى اية؟؟؟ بمنتهى البساطة بتبقى فى حاجة عاملة انسداد فى الANUS
وبيخرج من جنبها ال STOOL اللى بيكون سائل ويتجمع فوقها الSTOOL
الصلب....فحضرتك واحد زى دا
لو اخد STIMULANT ALXITVE الراجل دا فى الغالب حيتسد للابد...
لازم تعملSOFTENING علشان تتخلص من الحاجة اللى عاملة انسداد دى...
5-RECTAL PROLAPSE
ودا حدث عرضى...بيحصل ان جزء من الامعاء بيتدلى خارج الRECTUM
ودا بيؤدى الى وجود افرازات مخاطية خارج الRECTUM بتظهر على هيئة
صبغة على الملابس الداخلية ودى سببها الحزق الجامد
(يمكن اللى بيشيلوا حديد اوزان تقيلة بيحصلهم الموضوع دا...لانهم مع الحزق القوى)
طبعا معنى ان جزء من الامعاء يخرج من مكانة يبقى ممكن تحصل سرطانات
ومضاعفات اخطر وفى الاطفال ممكن يكون عرض من اعراض CYSTIC FIBROSIS
اللى هوا اسمة تليف البنكرياس التحوصلى ودى من ابرز الحاجات اللى نتعرف بيها
طيب خير خير خير خير خير خير خير خير خير خير خير خير خير خير خير خير خير خير خير خير خير خير خير خير خير خير
طيب اسأل المريض اقولة اية؟
1-بقالك قد اية مدخلتش الحمام؟ وانت عامة كنت بتدخل قد اية؟
(مع العلم انة ممكن ميجاوبش الجزء التالنى بدقة لان محدش بيعد على نفسة....)
والسؤال دا بنقدر نعرف منة الBOWEL MOVEMENT خلاص
2-هل الSTOOL دا جاف ومؤلم ومتماسك ولا اجزاء صغيرة او حاجة تانية؟
ودا بنقدر نعرف منة الصورة اللى بيكون عليها وهل هوا حصلتلة مضاعفات بسبب الالم دا
3-هل هوا حاسس ان معدتة لسة مليانة حتى بعد ماخلص؟
بيحس ان لسة فى حاجة بس مش عارف ينزلها...يمكن السؤال دا دايما بيكشف الناس
بتوع الLAXITIVE ABUSE
لحد هنا دا الجانب الكينيكال من الموضوع....ولا زم نكون فاهمين السبب الاساسى
ووقتها حنفهم ازى نقدم العلاج المناسب ونبدع فية كمان.....يعنى العملية مش لاكتيلوز
او نقط بيكولاكس وخلص...لو فاهم حتعرف تستخدم كل حاجة على حسب الحالة...
المريض عامل زى الفزورة ومفيش فزورة زى التانية.....والدكتور اللى بيكرر روشتتة
اعرف انة مكشفش على المريض كويس..يعنى ممكن نستخدم دهانات او اقراص بران
علشان نعالج مضاعفات المريض ممكن ميقولهاش غير لما ندرس حالتة....
انت ممكن تطلع الWINTER GREEN مقوى المناعة لعلاج الامساك لانك حتلاقى فية
زين خروع وجلسرين وعسل نحل وحاجات تانية كتير تنفع تستخدم فى الامساك...
يعنى انت ممكن تلاقى اكتر من استخدام لاى علاج...بل انت لازم تعرف تستفاد
باى اثر جانبى للدواء هنا دا الجزء اللى حنطور بية نفسنا كصيادلة......
لو بيقولوا علينا بياعين...يبقى على الاقل نكون فاهمين احنا بنبيع اية؟؟؟؟؟
الجزء التانى من الموضوع حيتناول...العلاجات كلها وازاى نعرف الحالة اللى
قدامنا عايزة اية؟
وكورس علاجى مدتة 3 ايام للمرضى بتوع الLAXATIVE ABUSE ودى من موقع
طبى موثوق فية...وممكن تجربها مع جدك او جدتك (ربنا يديهم طولة العمر)
(واللة ياشباب لو فهمتوا العيب فين والهدف اية كويس اوى اوى حنبقى دخلنا فى
الجزء يتاعنا بقا اللى هوا الدوا...ووقتها بجد حتفهموا معنى كلامى...وحتشوفوا
لما تشخصوا لمريض حاجة وتبعتوة للدكتور والمريض يلاقى ان كلامك صح وتشخيصك
لية سليم حيخليك تنقى العلاج اللى يعجبك...اللى المفروض هوا دورك...لانة ساعتها
حيبقى وثق فيك وتقدر تغيرلة اى دوا...ومش حيبصلك على انك
عايز تديلة البديل اللى هوا اقل كفائة)بالنسبة للصور بقا هيا مش بتتحمل على الموقع ومش عارف اوريهالكم ازاى علشان
تفهموا كلامى...بس ربنا يسهل اسأل بتتحط ازاى وانزلهالكم

» ╗║█║╔موسوعة :هل تعلم!!؟؟╗║█║╔
» تعلم كيف تُصلي ؟ بالصـــــــــــور
» تعلم.. كيف تتوب