| | صيدلة واحد000000واحد صيدلة الجزء الثانى اقرأ واستغرب ولو عايز ترد رد{عجائب وغرائب |  |
|
|
| كاتب الموضوع | رسالة |
|---|
د-محمد سالم
صاحب المنتدى
الجنس : 
عدد المساهمات : 13395
العمر : 49
الموقع : https://noraleslam.own0.com/
الجنسيه : مصرى
علم بلدك : 
تاريخ التسجيل : 14/10/2008
نقاط : 18761
الاوسمة : 
 |  موضوع: صيدلة واحد000000واحد صيدلة الجزء الثانى اقرأ واستغرب ولو عايز ترد رد{عجائب وغرائب  الأحد مارس 01, 2009 5:42 pm | |
| انت تاااااني
ماشي يا عمبقولك إيه: ابقى حاول تحجزلي معاك مكان لحسن أنا على الآخر
إيه ياعم اللي كاتبه ده كله كل ده وكاتم في نفسك الحمد لله انك لسه عايش
بس كنت عايز اعرف انت في تالتة قديم بأنهي توقيت: السنة اللي خلصت ولا اللي هتبتدي؟
بخصوص الـ molds مفيش حاجة كان اسمها نص ساعة أنا جالي المولد في آخر 5 دقائق لأن اللي قبلي كان نايم عليه
وإيه بقى مولد مصدي ومسرب ومنيل بنيلة وكان بقه جايلي كلورال هيدريت اللي عايزله سنتين عشان ينشف
والمولد بقه أحط فيه الكمية اللي تدي 5 لبوسات ألاقيه سرب وطلعلي 1 ونص ياحلاوة
وفي آخر الامتحان كمان قمت حاطت cacaoa butter
ولما بعت ورقة بكده للدكتور ___________________ رماها في الحوض كالعادة
واللي يغيظ ان السنة دي معمل المراجعة بدل ماكان لكل الطلبة عادي كان بـ100 جنيه
مش حاجة تنرفز
بس انت نسيت مميزات الكلية:
أحسن حاجة في كليتنا: النظام والمواعيد المظبوطة
دول حتى كانو غيروا ميعاد محاضرة الرياضة من غير ما يبلغوا الدكتور بتاعها
متستغربش
والطلبة جت في الميعاد الجديد والدكتور ماجاش. مش ده اللي يجنن
اللي يجنن ان الدكتور جه في الميعاد القديم ملقاش حد غير 2 أو 3 مكانوش يعرفوا ان المعاد اتغير فاداهم المحاضرة واتحسبت علينا
هييييييييييييييييييييييييييييييييييييييييييييييييي يييييييييييييييييييييييييييييييييييييييييييييييييي يييييييييييييييه
سلااااااااااااااااام
تالتة حديث سابقاً
رابعة حديث حالياً _________________ ربنا هب لنا من أزواجنا وذرياتنا قرة أعين واجعلنا للمتقين اماما  نورالاسلام الطبى اقوى قسم لتطوير المنتديات ونشرها بمحركات البحث اقوى برنامج حقيقى لجلب الزوار منتدى طبى اسلامى منوع حصريات رياضيه تطوير مواقع برامج كمبيوتر [/center] | |
|
 | |
د-محمد سالم
صاحب المنتدى
الجنس :
عدد المساهمات : 13395
العمر : 49
الموقع : https://noraleslam.own0.com/
الجنسيه : مصرى
علم بلدك :
تاريخ التسجيل : 14/10/2008
نقاط : 18761
الاوسمة :
| | موضوع: رد: صيدلة واحد000000واحد صيدلة الجزء الثانى اقرأ واستغرب ولو عايز ترد رد{عجائب وغرائب الأحد مارس 01, 2009 5:43 pm | |
| كلاكيت تالت مرة
تكنولوجيا السبرتياية
نظراً للتقدم التكنولوجى بالكلية العزيزة(صيدلة القاهرة) ووصولنا لعصر السيبرات وتفتح عقول الدكاترة وعلى الأخص قسم الصيدلانيات جامعة القاهرة
تم إدخال سبرتياية أم العفش اللى قاعدة على أول الحارة ضمن أدوات المعامل حيث أنflamesتغلق بعد منتصف وقت الإمتحان العملى فعليه قرر إتحاد منتجى السبرتيايهات التقدم بجواب شكر إلى رئيس القسم الموقر وتم رفع سعر السبرتياية إلى مبالغ فلكية
بالذمة ده كلام يعنى الآمتحان 3ساعات ساعة ونص بflame وساعة ونص بسبرتياية(شوفت حد قبل كده بيعملampole sealling على سبرتايه أهو شفت) والإمتحان كله علي flame
تعرفوا ياجماعة إنsuppository mold عددها أقل من المية على 1200 طالب وفى الإمتحان mold ليك نص ساعة
وحتى نص ساعة مش مراقبة أو منظمة يعنى أى حد ممكن ينام على mold ويولع اللى بعده
تحب كمان تسمع أخبار
نقول كمان
هل تعلم أن أقدم كلية على مستوي مصر وافريقيا تحوى على عدد 2 معمل bio chemistery سعة كل واحد 50 طالب لكن
تجد فى المعمل الواحد ما يقرب من 250 طالب إزاى معرفش حاجة كده زي 8 أو 10 على بنج واحد والبنج أساساُ ل3 فقط
والله العظيم بقابل فيه ناس يفصل بين رقمى ورقمهم ب حوالى 150 -130 رقم هم أصدقائى لكن مستحيل تجدهم معاك فى معمل إلا معمل bio
نقول كمان
فى نبأعاجل وصل إلينا نحن أمام راك أسرة شبابنا أن هيئة الأثار المصرية صنفت مبنى الكيمياء العضوية من الأثار
وقد وصل إلينا أن بلدية القاهرة أمرت بغلق المبنى نظراً لخطورته على السكان
إيه رأيك
تعرف إن أحد اسقف من معامل الكيمياء العضوية سقط جزء منه جزء وأدى إلى طحن البنج اللى تحته ورغم ذلك دخلونا المعمل عادى خالص والشى بالشى يذكر أدوات الإطفاء فى معامل الكيميلء العضوية هو أحدث ما وصل إليه العلم هو جردل رملة
وأدوات الإسعافات الأولية صفر ولا صفر المونديال أقصى شى مياه وروح على القصر العينى لإنقاذ ما يمكن إنقاذه
هل تعلم بوجود عمود كهربا ملمس أمام الكلية كاد أن يقتل احدى الزميلات لولا ولاد الحلال وعندما بلغنا شئون الطلاب قالوا مالناش دعوه اتصلوا بالكهربا
وعليه يجب أن يكون طالب كلية الصيدلة جامعة القاهرة أن يكون:
1-غير قابل للحرق
2-غير قابل للصعق بالكهرباء
3-غير قابل للخدش أو الكسر من الأحجار الساقطة عليه من الأسقف وليكن كالنخيل كلما ألقمته حجراً أنزل بلحاً لذيذاً
4-قابل للإنضغاط والحشر فى الاماكن الضيقة
5-يملك الة زمن ليتحكم بالزمن حتى يستطيع الحفاظ على مواعيد معمله ومحاضراته(غالباً معمل-محاضرة-معمل-معمل أو محاضرة-محاضرة-محاضرة-معمل )
6-أن يكون من ذوات العشر ايادى
7-لديه الإستعداد التام للصرف على الكلية من المهد الى اللحد
8-لديه اشتراك فى احدى الصيدليات لصرف ادوية الضغط والسكر وخلافه بتخفيض
9-الإستعانة باحدى مصانع الثلج للحفاظ على برود اعصابك فى مواجهة استظراف المعيدين والدكاترة وغتاتة العمال
10-أن يعتبر نفسه مفقود من الثامنة صباحاً حتى الثامنة مساءاً
11-أن يكون يتلقى دعما@من إحدى البنوك لشراء الكتب التى أساساً تطبع فى زيروكس وسلامى لقاسم وقسم micro بقيادةgeneral manager د:علاء(الكتاب يطبع10 جنيه يتباع 75 جنيه
12-أن يمتلك فراغاً فى المنزل ليسع مايقرب من 35 ك من ادوات وميكروسكوبات(بلاش البند بتاع الميكروسكوب اللى هتشتريه هتشتريه لو انت من محبى المغامرات والبحث فى الضباب ولعبة التخمين وحل الكلمات المتقاطة لو اعتمدت على ميكروسكوبات الكلية) وخلافه
13- هن يكون من لاعبى رفع الأثقال أو من مالكى إحدى الأوناش(أمال هتشيل البلاوى دى كلها إزاى) والجمباز(فى الكلية كله يزق كله وعليه لازم لاعب جمباز ماهر وتلعب لعبة حورينى يا كيكا)
14- قابل للتفتيش فى حالات المظاهرة (لو مظاهرة فى المريخ هتتفتش هتتفتش) ؛حفلة أسرة النور(تيار اسلامي)
15-لو انت من مشجعى أسرة النور أوعضو فيها يجب أن تمتلك مهارات التهريب والتفادى ويفضل عضو كومندز قديم(السياسة فى كليتنا الموافقة على إقامة حفلة أسرة النور وعدم الموافقة على دخول أى شى لوزم إقامة الحفلة من لاب توب-اجهزة كومبيوتر-ملابس لوزم الحفلة)
ومع لقاء اخر انشاء الله
محدثكم من السرايا الصفرا حالياً (صيدلة القاهرة سابقاً)
DR:fear vanquisher
تالتة قديم
ننننننننننننننننيييييييييييييييييييييييييييييييييي ييييياااااااااااههههههههههههههههههههههههههههههههاا ااااااااااااااااااااااا
ملحوظة :-السبرتياية :كائن منقرض يعمل بالسبرتو عند ام العفش لعمل القهوة المحوجة _________________ ربنا هب لنا من أزواجنا وذرياتنا قرة أعين واجعلنا للمتقين اماما نورالاسلام الطبى اقوى قسم لتطوير المنتديات ونشرها بمحركات البحث اقوى برنامج حقيقى لجلب الزوار منتدى طبى اسلامى منوع حصريات رياضيه تطوير مواقع برامج كمبيوتر [/center] | |
|
| | |
د-محمد سالم
صاحب المنتدى
الجنس :
عدد المساهمات : 13395
العمر : 49
الموقع : https://noraleslam.own0.com/
الجنسيه : مصرى
علم بلدك :
تاريخ التسجيل : 14/10/2008
نقاط : 18761
الاوسمة :
| | موضوع: رد: صيدلة واحد000000واحد صيدلة الجزء الثانى اقرأ واستغرب ولو عايز ترد رد{عجائب وغرائب الأحد مارس 01, 2009 5:44 pm | |
| بسم الله الرحمن الرحيم
أولا يا جماعة عايز أقولكم الموضوع جامد جدا جدا و الكلام لذيذ و حلو أوى و اللذيذ أكتر و المضحك جدا انه فعلا بيحصل و لما بيحصل مبنبقاش عارفين نتصرف فيه خالص لكن لما بنحكيه بعد كده بيبقى ذكرى لذيذة عدت علينا و بنضحك عليها جدا عايزكم بس كل واحد يفكر لما الموقف ده حصل له ( أى موقف م المواقف اللى اتحكت فى الجزئين بتوع الموضوع) كان احساسه ازاى يفتكر بس مش أكتر ...............
عموما دى أول مشاركة ليا على الاطلاق فى أى منتدى و فى أى قسم بس كلامكم أجبرنى انى أكتب و اللى عنده وقت بس هو اللى يقرى أنا لا من القاهرة و لا من عين شمس ولا حتى الزقازيق أنا حظى ودانى حلواااااااان يمكن تشوفوا انها بعيدة بأى و صحراء و كلية تعبانة و كده بس من حكايتكم دى انا اكتشفت انى كنت فى جنة مش معنى كده ان حلوان فيها كل حاجة سهلة و تمام و الكلام ده بس ع الأقل مفيهاش الكلام ده كله فيها كتير منه أه بس برضه مش كل ده
عشان أوضح كلامى أديكم شوية أمثلة :
من مميزات الكلية أولا عدد الدفعة بتاعى سنة أولى كنا داخلين بتاع 580 كده سنة تانية بقينا 460 سنة تاتة دلوقتى احنا عدد اللى داخلين أأكد لكم أقل من 400 يعنى لو عندكم يا fear vanquisher هيتخرج العشرة الأوائل بس يبقى عندنا الأول ع الدفعة هيتصور لوحده فى حفلة التخرج
لكم أن تتصوروا كمية الحاجات اللى بتبقى سهلة بسبب قلة العدد يكفى انك ع الأقل تعرف دفعتك كلها شكلا مش تبقى مع صاحبك فى نفس الكلية و متشوفوش غير مرة واحدة فى الأسبوع و بالصدفة لمجرد انك جروب و هو فى جروب تانىغير الحضور فى السكاشن و توحد الدكاترة ( مش قصدى مرض التوحد) أقصد ان دكتور واحد بيدرس المادة أو الجزء بتاعه للدفعة كلها فى معاد واحد للمحاضرة حضرت أهلا و سهلا محضرتش ابقى هات الدكتور بيتك بأى لكن مفيش انك تحضر المحاضرة بتاعة المادة الكذا مثلا يوم كذا للدكتور فلان أو يوم كذا لللدكتور علان مش قوطة هى
مممم تالت حاجة الاهتمام أنا شايف ان العدد القليل خادمنا أوى فى الاهتمام ده تحس انك فعلا فى حد يهتم بيك لأننا كلنا 400 واحد السكشن مبيزيدش فى المتوسط عن 40 فرد اه ممكن يقل أو يزيد زى سكشن الفسيولوجى السنة اللى فاتت الترم الأول كان مش أكتر من 20 فرد فى المعمل يعنى تتمشى كأنك فى بيتك بالضبط و تسأل المعيد كأنه قاعد على سفرتك و تركز كأنك لوحدك مع الدكتور و مثلا برضه فى سكشن الcognosy كنا بتاع 70 واحد بس برضه ف الأخر cognosy و كل واحد باصص فى ميكروسكوبه و تلاتة ع البنج و الحياة ماشية و الجو لذيذ
م الأخر تقدروا تقولوا 400 واحد مبرطعين فى الكلية
يمكن اللى يقرى كلامى ده كله يفتكر من الناس اللى بتحب كليتها أو كده عايز أقولكم انى السنة دى قدمت ورق تحويلى للقاهرة قالولى النتيجة بتاع التحويل اتقبلت أو لا أول شهر 9 رحت امبارح أسأل قالولى تعالى قبل الدراسة بيومين يعنى يوم الخميس 14 يعنى أفضل كده لحد قبل الكلية ب 48 ساعة مش عارف أنا هروح فين بعد يومين حاجة فى منتهى التخلف فى نظام تعليمى انتهى منه النظام و التنظيم أساسا عموما لا دى أخر مرة و لا أول مرة
نهايته بأى رغم ان اللى فى حلوان كده زى منا حكيت فهى متقلش عن اللى فى القاهرة كتير نفس الكلام أدواتك تيجى معاك من بره معاد سيكشنك زى مهو بالضبط دقيقة واحدة تأخير متدخلش السكشن أو تدخل و يدخل وادنك كلمتين حلوية من معيد أكبر منك بأربع سنين متهيألى موضوع المواعيد بالنسبة لكم مش مشكلة كبيرة و لا أنا الحقيقة بس عشان تعرفوا حلوان دى الجامعة يعنى محطة الجامعة قبل محطة حلوان اللى هى أخر الخط بمحطتين و أنا معظم صحابى من أخر الخط برضه بس م الناحية التانية عزبة النخل و المرج و كده يعنى يعنى عشان يوصلوا السكشن الساعة 8 لازم يصلوا الفجر و ينزلوا
المهم وكمان ربنا رازقنا بدكتور organic يعنى الحمد لله هو عميد الكلية دلوقتى هو ماشى راجل عبقرى و كل حاجة بس مش بنفهم منه كلمة واحدة مش بنفهم بمعنى الكلمة يعنى أنا أراهنك تقابل شخص واحد من حلوان متأسس صح فى الأورجنج
_________________ ربنا هب لنا من أزواجنا وذرياتنا قرة أعين واجعلنا للمتقين اماما نورالاسلام الطبى اقوى قسم لتطوير المنتديات ونشرها بمحركات البحث اقوى برنامج حقيقى لجلب الزوار منتدى طبى اسلامى منوع حصريات رياضيه تطوير مواقع برامج كمبيوتر [/center] | |
|
| | |
د-محمد سالم
صاحب المنتدى
الجنس :
عدد المساهمات : 13395
العمر : 49
الموقع : https://noraleslam.own0.com/
الجنسيه : مصرى
علم بلدك :
تاريخ التسجيل : 14/10/2008
نقاط : 18761
الاوسمة :
| | موضوع: رد: صيدلة واحد000000واحد صيدلة الجزء الثانى اقرأ واستغرب ولو عايز ترد رد{عجائب وغرائب الأحد مارس 01, 2009 5:45 pm | |
| عن الامتحانات بأى طبعا متخلاش من تعكير الreagents النازلة و خنقة المعيدين و تعقيد الدكاترة و حاجة مش محتاجة كلام يعنى فى مرة فى امتحان الbio المفروض بنعمل التجربة على 3 تركيزات كل تركيز مرتين مرة الكواشف بنحطها عادى و مرة بنستنى 5 دقايق و نحط الكاشف و فى الأخر نعمل التجربتين ع التركيز الunknown نهايته يعنى شوفوا الحسبة دى المفروض تتعمل فى أد ايه و اللى حصل انه بعد قبل الوقت(اللى مفترض انه ساعة و نص بس احنا دخلنا بعد معادنا أصلا بساعة الا ربع عشان اللى قبلنا هما كمان دخلوا متأخرين و هلم جر و الله أعلم ايه سبب تأخير أول معاد دخل يعنى) قبل النهاية الوقت بعشر دقايق المعيد قال انه هيوزع ورق استمارات كده بنعلم فيها على رأينا فى دكاترة و معيدين المادة بيان رأى كده بنملاه فى معظم المواد بس مش فى معاد امتحان العملى المهم المعيد ده خنقنى بكلمته دى عشان كنت أنا أصلا متأخر و كنت بعيد التجربة فقلت له بس احنا بنمتحن دلوقتى قالى دى مش هتاخد 5 دقايق قلت له بصوت عالى احنا كلها خمس دقايق و نخلص و ساعتها نعمل اللى انتا عايزه حمدت المعيد سكت و موزعش الورق الا لما خلصنا حمدت ربنا أنه طلع طيب و ملاغليش امتحان العملى
امتحان ال cognosy العملى السنة اللى فاتت ترم تانى كنت أنا و واحد صاحبى ع البنج و كان معايا شنطة أدواتى كاملة و حاططها بينا احنا الاتنين أنا خلصت بعد ساعة واحدة و كتبت السكيمة كاملة و لميت أدواتى و بقول للواد أنا خارج عايز الشنطة المعيدة قالت لى مفيش كلام قلت لها معلش يا دكتور لقيتها جاية بعد دقيقتين خدت الورقة و قالت لى مفيش كلام غلبت أحلف لها انى كنت بسأله عايز الشنطة علمتلى ع الورقة و اتساويت فى الأخر بواحد كان بيسأل البنت اللى جنبه على كل حاجة يفتح الunknown و يسألها يحط نقطة الأيودين و يسألها كان ناقص يفرجها ع العينة تحت الميكروسكوب و يخليها تكتب له السكيم ده لو مكنش نقلها م الورقة المفرودة فى شنطته اللى تحت رجله اتساويت بيه فى الأخر و أنا اللى منمتش طول الليل و أجرت ميكروسكوب و اشتريت العينات و فضلت طول الليل أتفرج عليها لما خلاص اتعميت و جالى برد من الروايح اللى فضلت أشم فيها ........ سبحان الله
و أنا خارج م الأمتحان ده ......و يالسخرية القدر.......... شنطة أدواتى كرتون و لحظى تتفتح الشنطة من تحت وووو....... طراخ تش طراخ تش طراخ تش طراخ ههههههههههههه
امتحان الأورجنج عملى الترم الللللل مش فاكر المهم المفروض بنعمل التجربة و نطلع ع الwatch glass كريستالات صفراء بشكل أشعة الشمس كده المهم أنا عملتها طلعت كويسة و عجبتنى بصراحة وريتها للمعيد قالى جميلة أوى اطلع صحح عند المعيدة بره طلعت للمعيدة بصت للكريستالات قالت لى انتا عايزنى أصحح لك عليها ؟؟؟ بينى و بينكم افتكرتها عجبتها قلت لها أه ليه قالت لى منصحكش خش عيدها و رمت ال watch glass بصراحة مش عايز أفتكر أحساسى فى الموقف ده و أنا بعيد التجربة أربع مرات مرة تولع منى و مرة متعجبنيش أنا شخصيا ايش حال الدكتورة بأى هتعمل اية و مرة أترعش و تكسر منى الوتش جلاس و هكذا و هكذا فى الأخر اديتها واحدة طلعت معايا كده و ان كنت أنا مقتنعتش بيها زى الأولى بس يلا هى وجهات نظر برضه
كل ده يوم و دكتور الcognosy كوم تانى راجل مسخرة وكيل الكلية متفهمش ازاى دايما مبتسم فرحان بسنانه و التقويم عليها و يا سلام لو بيهزر مع بنت المحاضرة ساعتين يدخل ساعة واحدة بيضحك فيهم ساعة الا ربع و بيكتب يا دوب عناوين المنهج و فى الأخر يجيب الامتحان من بره محاضراته عكس مكان بيقول و يقول أنا قلتها فى المحاضرة طب لما أنتا مسطول و مش عارف انتا قلت اية احنا ذنبنا اية مع العلم انه مقلهاش و لا جاب سيرة فى المحاضرة الدكتور ده بيدخل السكشن عشان يطمن ع البنات و يهزر معاهم و يشوف شغلهم و يتفرج على ميكروسكوباتهم كأن الطلبة نوع واحد بس و احنا مش موجودين أدامه هو دكتور كبير على فكرة و دمه بسم الله ماشاء الله يلطش بس مش عارف لحد دلوقتى سبب اعجابه بسنانه
دكتور تالت عايز يخطب لابنه بنت من دفعتنا و زى متقول كده بالعافية الدكتور ده طلب منى أنا شخصيا انى أجيب له أسامى الناس اللى بتاخد دروس بره و لو أمكن عينات م الورق بتاعهم الدكتور ده طبعا مشافش وشى تانى
ممممممممم أقول اية تانى ؟؟؟؟؟ أقول اية ولا اية؟ معلش طولت أوى أوى عليكم بس كنت عايز أتكلم مع حد بيعانى زينا و كمان أكتر مننا
اللى عايز أقوله انى كنت بروح القاهرة أكتر مبروح حلوان أثناء الدراسة عشان صحابى و كده يعنى عارف القاهرة برضه زى حلوان ده اللى خلانى أقارن و أقول ان حلوان أحسن فى كل حاجة بس على الرغم من كل ده أنا قدمت السنة دى ورق تحويلى و مستنى النتيجة قبل الكلية بيومين .............. ادعولىىىى يا جماعة
_________________ ربنا هب لنا من أزواجنا وذرياتنا قرة أعين واجعلنا للمتقين اماما نورالاسلام الطبى اقوى قسم لتطوير المنتديات ونشرها بمحركات البحث اقوى برنامج حقيقى لجلب الزوار منتدى طبى اسلامى منوع حصريات رياضيه تطوير مواقع برامج كمبيوتر [/center] | |
|
| | |
د-محمد سالم
صاحب المنتدى
الجنس :
عدد المساهمات : 13395
العمر : 49
الموقع : https://noraleslam.own0.com/
الجنسيه : مصرى
علم بلدك :
تاريخ التسجيل : 14/10/2008
نقاط : 18761
الاوسمة :
| | موضوع: رد: صيدلة واحد000000واحد صيدلة الجزء الثانى اقرأ واستغرب ولو عايز ترد رد{عجائب وغرائب الأحد مارس 01, 2009 5:46 pm | |
| لاتتأسف على شىء يا زميل المستقبلmedohackerz
(إلا إذا بتوع شئون الطلاب قالوا حاجة تانية)
برضه ليكو مميزات لكن كلامك ده فكرنى بشوية مواقف
احمد ربنا ان الدكتور عايز يخطب لإبنه ايه رأيك فى دكتور عنده 40 -45 سنة كده عايز يخطب واحدة من دفعتنا
وبمناسبةcognosy كويس الراجل بيعاكس ومنفضلكو لكن بتاعنا بيعاكس نص المحاضرة ويسم بدنك النص التانى بكلامه ان اننا بهايم وكلنا على بعض مانسويش بصلة ومهما عمل معانا احنا مشهنفهم وانه خسارة فى البلد دى
بالنسبة لمعامل cognosy
كان قدري الفقر أن اكون موجود جنب ازايز reagent واكل شغال عادى صحيح كانت العينة بتاعتى سهلة ولكن المعيد ماشى يتهادى جنبى بيهزر ما المعيدة التانية وفجأة طررررررررررررااااااااخخخ
زجاجة conc sulphoric acid جت على شيت الآجابة بتاعى وعينك ماتشوف إلا النور والمعيد السمج يقوللى حصل خير نشف ومش هيحصل حاجة اللى يغيظ ويفرس أنه بيضحك وبيدينى منديل انشف بيه الشيت(شوفت الغتاتة)
المهم طلبت منه شيت جديد واكتب من جديد وامرنا لله ولكن بيقولى لا!! ليه ياعم ؟ أصل الشيت مختوم ومكتوب عليه رقم العينة وماينفعش يتغير
شوف بقه اللى حصل فضيت فى وشه وبقيت ازعق واتخانق وبالصدفة كانت رئيسة القسم ماشية جنب المعمل وسمعت الخناقة لكن كانت كويسة (من الدكاترة القليلين فى الكلية المحترمين) جابت شيت جديد وكتبت اسمها على الشيت ان هى الى غيرته
طبعاً لاداعى للحديث عن الوقت اللى ضائع والأعصاب اللى باظت
فى خبر عاجل
تولت هيئة الأثار المصرية عملة ترميم مبنى الكيمياء العضوية وطبعاً ابقى قابلنى لو خلصوا
بالمناسبة لا أظن أن ملفك هيوصل بالسهولة اللى أنت متوقعها الى الكلية عندنا طقم شئون طلبة إنما يعجبك
أنا أساساً تنسيقى ودانى طب القصر العينى بعد ماوصل جواب التنسيق بيومين بس بدأت ىاجراءات تحويلى إلى صيدلة القاهرة وشوف المسافة بين الكليتين100-200 متر ولكن ظل ملفى لم يصل إلى صيدلة القاهرة الا بعد الدراسة بشهر و10أيام واللى يغيط فى الفترة دى أروح طب أسأل على الملف ييقول بعتناه ويورونى توقيع المستلم من شئون الطلاب بصيدلة القاهرة اروح صيدلة يقوللى ماوصلناش ارجع لطب وهكذا شهر بحاله رايح جى لغاية ماوصل
أول ماوصل والله وزعت طقم حاجة ساقعة على أصحابى
عن إذنك بقه موعد جلسة الكهربا بتاعتى دلوقتى أشوفك فى الجزء التالت
مراسلكم من عنبر الخطرين(السراي الصفرا حالياً) صيدلة القاهرة سابقاً
DR: fear vanquisher
تالتة قديم
آآآآآآآآآآآآآآآآآآآآآآآآآآآآآآآآآآآآآآةةةةةةةةةةةة ةةةةةةةةةةةةةةةةةةةةةةةةةةةةةآآآآآآآآآآآآآآآآآآآآآ هةةةةةةةةةةةةةةةةةة
هى الدنيا ضلمت ليه 00000الكهربا اتقطعت ولا إيه
نيييييييييييييييييييييييييييييييييييييييييييييييهه ههههههها دنا طالب صيدلة ومش أى صيدلة دى صيدلة القاهرة:smoke100: :smoke100: :smoke100:
ملحوظة :راجع مواصفات طالب صيدلة القاهرة البند رقم 2
2-غير قابل للصعق بالكهرباء _________________ ربنا هب لنا من أزواجنا وذرياتنا قرة أعين واجعلنا للمتقين اماما نورالاسلام الطبى اقوى قسم لتطوير المنتديات ونشرها بمحركات البحث اقوى برنامج حقيقى لجلب الزوار منتدى طبى اسلامى منوع حصريات رياضيه تطوير مواقع برامج كمبيوتر [/center] | |
|
| | |
د-محمد سالم
صاحب المنتدى
الجنس :
عدد المساهمات : 13395
العمر : 49
الموقع : https://noraleslam.own0.com/
الجنسيه : مصرى
علم بلدك :
تاريخ التسجيل : 14/10/2008
نقاط : 18761
الاوسمة :
| | موضوع: رد: صيدلة واحد000000واحد صيدلة الجزء الثانى اقرأ واستغرب ولو عايز ترد رد{عجائب وغرائب الأحد مارس 01, 2009 5:47 pm | |
| لا هو احنا عندنا في صيدلة الزقازيق برضه لازم نجيب معانا الادوات االي هنشتغل بيها في معظم السكاشن ماعدا العقاقير مش مطلوب مننا نجيب الميكروسكوب بس بقي طبعا مش هتشوف حاجة خالص طول السنة بس الشهادة لله ان في امتحان العملي بتبقي الميكرويكوبات كويسة خالص وبنشوف بيها كويس
المهم بقي انا في امتحان عملي في العقاقير والوقت ساعة ونص وانا الصراحة بطيئة شوية في الشغل العملي وببقي خايفة وحالتي وحشة خالص الاقي قبل ما الوقت يخلص بنص ساعة بتقول يلا خلصوا عشان هنلم الورق وانا اقولها بس لسه ع الوقت تقولي لا ماهم معظم زمايلك خلصوا يبقي لازم تخلصي انتي كمان و نلم الورق المهم انا مسكت ف أعصابي واشتغلت بسرعة وسابتلي شوية وقت يعني كده قال يعني كرم من عندها مش وقت المتحان الاساسي
اه وقبل كده لقيناهم قافلين بوابة من بوابات المبني بتاع المعامل ليه؟؟؟
عشان حتة من السقف بتاع المدخل وقع وده طبعا من غير التعليق علي عدد وحالة الموازين في معمل الصيدلانيات وقت الا متحان العملي لان بيبقي النظام في الامتحان اللي يلحق الميزان الاول هو اللي يقف عليه ويخلص هو واصحابه وبعدين نبقي نشوف بقية الناس اللي بيمتحنوا
المشكلة بقي ان الدراسة كمان اسبوع وهنرجع للقرف دده كله تانيييييييي _________________ ربنا هب لنا من أزواجنا وذرياتنا قرة أعين واجعلنا للمتقين اماما نورالاسلام الطبى اقوى قسم لتطوير المنتديات ونشرها بمحركات البحث اقوى برنامج حقيقى لجلب الزوار منتدى طبى اسلامى منوع حصريات رياضيه تطوير مواقع برامج كمبيوتر [/center] | |
|
| | |
د-محمد سالم
صاحب المنتدى
الجنس :
عدد المساهمات : 13395
العمر : 49
الموقع : https://noraleslam.own0.com/
الجنسيه : مصرى
علم بلدك :
تاريخ التسجيل : 14/10/2008
نقاط : 18761
الاوسمة :
| | موضوع: رد: صيدلة واحد000000واحد صيدلة الجزء الثانى اقرأ واستغرب ولو عايز ترد رد{عجائب وغرائب الأحد مارس 01, 2009 5:48 pm | |
| الموضوع لذيذ نقلته ومعه بعض التعليقات الحلوه انتظر تعليقات الاخوه _________________ ربنا هب لنا من أزواجنا وذرياتنا قرة أعين واجعلنا للمتقين اماما نورالاسلام الطبى اقوى قسم لتطوير المنتديات ونشرها بمحركات البحث اقوى برنامج حقيقى لجلب الزوار منتدى طبى اسلامى منوع حصريات رياضيه تطوير مواقع برامج كمبيوتر [/center] | |
|
| | |
dr Hoda
نائب المدير
الجنس : 
عدد المساهمات : 553
العمر : 33
الموقع : مع اصحابى وحبايبى
الجنسيه : مصرية من زمان من ساعة ماتولدت كدة
علم بلدك : 
تاريخ التسجيل : 14/02/2009
نقاط : 872
الاوسمة : 
| | موضوع: رد: صيدلة واحد000000واحد صيدلة الجزء الثانى اقرأ واستغرب ولو عايز ترد رد{عجائب وغرائب الأحد مارس 01, 2009 7:46 pm | |
| بصراحة يمكن انا مش فاهمة شوية حاجات وطبعا دة لانى فى سنة اولى لسة
بس بجد شىء ممتع الصراحة هو فى شوية عيوب فى الكلية برضو بتاعتى (القاهرة) بسهى عجبانى فى نظامها بوجه عام
الحمد لله على كل شىء والبلد دى احسن من غيرها
شكرا د\محمد على مواضيعك الهايلة دى | |
|
| | |
د-شيماء
عضو متميز متقدم
الجنس :
عدد المساهمات : 2347
العمر : 39
الجنسيه : مصريه
علم بلدك :
تاريخ التسجيل : 06/11/2008
نقاط : 2718
الاوسمة : 
| | موضوع: رد: صيدلة واحد000000واحد صيدلة الجزء الثانى اقرأ واستغرب ولو عايز ترد رد{عجائب وغرائب الأحد مارس 01, 2009 8:22 pm | |
| | |
|
| | |
| | صيدلة واحد000000واحد صيدلة الجزء الثانى اقرأ واستغرب ولو عايز ترد رد{عجائب وغرائب | |
|
