صديق عمرى وبعض الاشعار لصلاح جاهين

صديق عمرى

عشرين سنة
عمرى أنـا

أنا العجـوز الشـايـب الـحـزين

أنا العجوز من غير ما تمضى السنين

أنـا العـجوز من قبل سن اربعـين

عمرى النهاردة

رغم المرار ده

فى عمر وردة

عشرين سـنة

كانـلى صديـق وكان حبيب عمرى

هو اللى علمـنى المشـيـب بـدرى

حضـرت مولد كل شعـراية بيـضا

عبـرت سوالـفه كما الشهاب تجرى

كما بـرق سيف الحق فى الهيـضا

وسط الظلام تبرق هـلال هجـرى

تحـسب تاريخ الكون حقيقة ومجاز

كالأبـجـديــة بالقـلـم لـردواز

بالـشـعـر لابـيـض كان يعلمنى

أسـتاذ تـاريخ وفـى التاريخ أستاذ

قابلـته مـن عشريـن سنة وكلمنى

وانـا لسـه باحـبـى فـى الظلال

عـلمـنـى مشـيـة الـرجــال

سلـمـنـى رايــة الـنـضــال

ولـحـد هـذا الـيـوم .. بيـلهمنى

وخـيـالــه كل ما اقـع يقـومنى

وكـل مـا اتبـعتـر يـلـملمـنى

وانهـض واقـوم بـأمـل جـديـد

وبقـلب أقـوى مــن الـحـديـد

ولـيد .. عـجوز .. شايب .. حزين

وعـمـرى عـشـريـن ســنـة

أهل الهوى

(1)

اللحم طين والعروق دود من ديـدان الطـين

آدم وحــوا عـلى أرض العـدم حاطّـين

عاقـبـهم الرب .. أخـرجـهم من الجـنه

آدم عـمل حـضن حــوا جنـته وغـنى

الـناس بتـتـهنى مهـما يكـونوا منحطين

(2)

الولـف لـو شـاف وليفته ورا الجبل هدمه

يـا مـيت ندامـه عـلى جبلين واصطدموا

اتـهد منهم جـبل اسـمه هابـيل وانهـار

قابـيل أخـوه اللى قاتله سكب دموع أنهـار

واللى افتـتن بالنـهار … باللـيل يا ندمـه

(3)

مِرات عزيز مصر شابه وجوزها راجل كهل

يـوسـف حلـيـوه فلسطيـنى عديم الأهل

فـؤادها قاد نـار وصار تحت النهود لاعب

تـهـبش فـى يوسـف وتـترجاه وتداعب

والعـقل صـاعب لكين خلق المتاعب سهل

)

وفـى التـاريخ كليـوباتـره الأسـمرانـيه

كـانت غـرامـها غـرام اسكـنـدرانـيه

غـرام عنـيف لـه حفيف تعبان ولسعه نار

من عشـقها لحسـنها خـافت عليه يحـتار

واخـتـارت الانـتـحـار … المعجبانـيه

(5)

من بـرق سـيف الجدع .. يطلع صباح أمله

عنـتر معنـتر لكـين مسـكين أبـوه همله

بسيـفه قَـدِّف فـى بـحر الـدم عَدّاه عوم

ولـجل عبـلة وقُبـلة منـها .. سـاد القوم

والحُـر لـه يـوم يـدوق الشـهد من عمله

)

عالم من الهـمس من غير أمس من غير غد

الشمس ليـلى .. القمر ليلى .. السؤال والرد

ليـلى .. ومجنونها قيس هايـم يقول ليـلى

دى مهـما كـانت لغـيرى وقسـمتى مايله

الروح مـادام طـايـله .. مايهمش تنول اليد

قصة


كان فيه ولد صغير عنده اتناشر سنه عيل مفعوص وقصير وعغاوي فتونه، بيمثل دور في ذهنه لشخص عظيم الشأن ويوماتي سيحلق دقنه مع انه مالهاش دقن بالموس وخلاص ويحرت (المحجنون البعيد) لحد مادقنه كبرت قال لك ده اليوم ده عيد ووقف قدام مرايته يتنطط من الفرح اكمنه حسب روايته زي باباه انجرح... تع شوفه بقي النهادره راجل بيه قد الحيط وصدانمه كل فرده فيها القطن غيط يحلف ع النار والمياه مهو حالق جمعتين ودي قصة فلسفية مغزاها ف كلمتين شرم برم ، يا حلوللي هأو أو ، أِش إش ترالاللي ، أمان يالالاللي حرنكش طظ فش

أبريق الشاي


أنا أنا أنا أبريق الشاي إيدي كدة بوزي كدة أصب الشاي وأرجع كدة وأعرف برضة يا كتاكيت أحكي حودايت كان فيه واحت نين تلاتة ويا أربعة خمسة تاتة تاتة راحو لعم علي الحلواني عايزين بسكويت بالشكلاتة الحلواني يا أطفال فكر لحظة وبعدين قال بسكوت بالشكلاتة ما فيش يمكن فيه عند البقال البقال قال اشتروا سكر خدوا بفلوسكم كلها سكر حتي اسألوا أبريق الشاي كان ياما قفطان لونه أحمر لابساه قمورة اسمها مرمر وقطط خضرة وقطط صفرة وانا وانتو بنضحك ونكركر حاجة ظريفة وعال العال لكن فجأه حصل زلزال أتاريه الفيل أبو زلومه عمال يرقص في الأدغال جوه الأدغال الهندية الفيل بيغني أغنية ويقول أنا وأنتي يا زلومتي نشبه سوا أبريق الشاي كان فيه بلاد العجايب حفلة شاي لتلاته حبايب الدبة والبوبي والنمله والثعلب بره ماله نايب الثلعب قدامهم فات وف ديله سبع لفات كل الحفلة قالوا يا تعلب ابعد عنا عشر ياردات تعلوبه قال فيها يا اخفيها واقلب فناجيلها وكراسيها ضحك التعلب ضحكة نبيهه قال انا عندي فكرة وجيهة وعشان اغيظكم واجننكم راح اخبي أبريق الشاي كان فيه واحد مزيكاتي ومعاه صاحبه مألفاتي غرقت بيهم مركب ..عاموا لجزيرة القرصان زناتي لتنين كانوا طوال وعراض وانكمشوا بفعل الامراض بقوا كده م الامواج الباردة والسمك البحري العضاض القرصان قال : حاجة تعكر ليه واقفين لي بهذا المنظر الشاعر قال له : يا موقر ح نغني أبريق الشاي الملحن : أبريق الشاي ؟؟ المؤلف : ...أبريق الشاي الملحن : الغنوة دي موش عارفها المؤلف : يالله انا وانت نألفها الملحن : طيب ألف .... المؤلف : "يوشوشه " أنا أنا أنا أبريق الشاي الملحن : أنا أنا أنا أبريق الشاي المؤلف : أيدي كدة الملحن : ايدي كدة بوزي كدة أصب الشاي وارجع كدة ودي يا ولادي قصة تأليف وكمان تلحين الغنوة دي

الليلة الكبيرة


بنات: قبة سيدنا الولي دول نوروها محلا البيارق والناس بيزوروها قبة سيدنا الولي في الجو عالية محلا البيارق لما دوروها البائع : حمص حمص تل ما ينقص ع النار يرقص ويقول اللي شاف حمص ولا كلش حب واتلوع ولا طالش فتاة : يسترك هات حبة بقرش الجميع : ها ها ها ها ها ها ها ها بائع : فريرة للعيل يابو العيال ميل خد لك سبع فرارير اخر : زمارة شخليلة عصفورة يا حليلة طراطير يا واد طرطير الجميع : طراطير طراطير طراطير شحاذ : يا مسلمين يا مؤمنين لله ده كل مين يفعل جميل يلقاه شحاذ : بركة ولي له في الشفاعة جاه لله لله لله الليلة الليلة السيرك تعالوا دي فرجة تساوي جنيه قولوا هيه بمناسبة هذا المولد يوجد برنامج سواريه قولوا هيه في السيرك شجيع يهجم ع السبع ويركب دغري عليه قولوا هيه وبنات قمرات زي الشربات حلوين مش عارف ليه قولوا هيه الجميع : الله حي المنشد : ويمامه حايمة عليه تسبح ربها الجميع : الله حي المنشد : مليت فوق يده وجيت احبها الجميع : الله حي الله حي لاعب البخت : فتح عنيك تأكل ملبن فينك فينك ..تاكل ملبن اوع لجيبك ..لا العيب عيبك قرب جرب ..تاكل ملبن نشن ..وسطن إيدك وسطن إطرب البندقية : طاخ .... اللاعب : يحميك يابني تبقي غالبني قرب خد لك حته ملبن نداءات : طعمية ..أراجوز ..عجمية باللوز الجميع : دي الليلة الكبيرة يا عمي والعالم كتيرة ماليين الشوادر يابا م الريف والبنادر دول فلاحين ودول صعايدة دول م الكنال .. ودول رشايده عجوز: إسعي ...إسعي ...إسعي قهوجي : ياسي عجوره النار خسعه فلاح : ناس من بلدنا هناك أهم روح يا ابراهيم انده لهم سلامات سلامات سلامات سلامات ع البلديات فلاح : دي الحضرة والذكر انجلي يالله بنا نذكر يا وله المدرب : انا شيجع السيما أبو شنب بريمه أول ما أقول "عالي هب" واصرخ لي صرخه السبع يتكهرب ويبقي فرخة حالا بالا ساصارع أسد انما ايه متوحش وح اخلي وجهه شوارع تسقيفه يا ناس مايصحش اهه جاه ...اهه جاه تسقيفه بأه تسقيفه امال تشجيعه امال بائع : السمك مقلي كل وبرق لي بائع : استخار واختار يالله سمي وكل نساء : يام المطاهر رشي الملح سبع مرات في مقامه الطاهر خشي وقيدي سبع شمعات أطفال : يا عريس يا صغير علقة تفوت ولا حد يموت لابس ومغير وح تشرب مرقة كتكوت المعلم : بالذامة دي سبع عيل مزفوف من وقت قليل القهوجي : مولد شيللاه يا معلم عقبال اولادك المعلم : كلم نداءات : واحد مضبوط واتين مصري القهوجي : ع النار حاضر جاي لك دغري مسا التماسي مسا التماسي يا ورد قاعد علي الكراسي نداءات : هات شاي يا دقدق القهوجي : عيني وراسي الجميع : سمعنا يا ريس حنتيرة للصبح معك السهيرة سمعنا .....سمعنا المغني : يا غزال يا غزال ده العشق حلال دوبتني ...دوب خلتني خيال يا شفتك فص فراولة وانا لاقوة ولا حوله يا غزال يا غزال يا رب يا عالم بالحال تهدي حبيبي وبصبح عال واغني وارقع بالموال واقول يا غزال المعلم : وقف يا ريس حنتيرة فيه ناس هنا قاعدة كتيره ولاحد قال هات تعميره ولا واحد شاي اللي ح يطلب راح يقعد واللي ما يطلبشي يبعد زبون : ياللا بنا يانخرج يا مسعد شارع الترماي الاخر: اوعد يا رب اوعد ادي كمان قهوه ياللا بنا يا مسعد ندخل علي سهوه الغازية : طار في الهوا شاشي وانت ماتدراشي طرفه شاورلي عليك حكم الهوا ماشي هوا العصاري يا واد علي سطح داري ...يا واد خدني ورماني عليك ولا انت داري اهين يا ناري ..اهين منك يا جاري ...اهين خدني ورماني عليك هوا العصاري صاحب القهوه : اللي ح يطلب راح يقعد واللي مايطلبشي يبعد الزبون : ياللا بنا نخرج يا مسعد شارع الترماي صاحب اللعبة : ورينا القوة ... يا بني انت وهو مين عنده مروه ..وعامللي فتوه يقدر بقداره علي زق الطاره ويفرقع بمبه ؟؟؟ شاب : وسع ...وسع ....وسع....وسع انا ازق الطاره واضرب ميت بمبه دانا الاسطي عمارة من درب شكمبه صيتي من القلعة لسويقة اللا لا انا واخد السمعه الجميع : طيب يالله تعالي الشاب : لا يا عم سعيده ...دي البدله جديدة الجميع : ها ها هأ سعيده ... يابو بدله جديده سيده : يا ولاد الحلال بنت تايهه طول كده رجلها الشمال فيها خلخال زي ده رجل : زحمه يا ولداه كام عيل تاه بائع : فريره للعيل الجميع : دي الليلة الكبيرة يا عمي والعالم كتيره ماليين الشوادر يابا م الريف والبنادر السيدة : يا ولاد الحلال ختام

» مقتطفات من أشعار صلاح جاهين
» أعراض ومسببات وبعض أدوية الكحة ( السعال ) .......!
» هل أنت صديق نفسك؟؟؟؟؟؟