اعراض الموضوع دا بتكون التالى
(history and symptoms)
1- افرازات لونها ابيض وتميل للرمادى white to grey vaginal discharge
2-افرازات ريحتها سيئة جداااا ومتناسقة القوام مش مكلكعة
thin & homogenous & maladourous vaginal discharge
3-لا يوجد الآم فى المهبل ولا فى الvulvar علشان كدة مفيش فى الحالة دى حرقان فى البول(مهمة اوى الاعراض دى فى التميز)اما الجزء الفحصى لازم المريض يكون عندة 3 حاجات من ال4 دول علشان يبقى عندة المرض والجزء دا المفروض ان الدكتور بيعملة بس انا حقولة المرة دى علشان التوضيح بس....بعد كدة مش حذكرة ماشى......هما كالتالى
1- Homogenous, white, adherent discharge2-Vaginal pH higher than 4.5
3-Release of fishy odor from vaginal discharge
with potassium hydroxide
4-Clue cells on wet mount
زى ماانتم شايفين احنا مش بناخد عينات من المريضة فى الصيدلية فمش بنقدر نشخص غير باول واحدة بس...والباقى بنعتمد فى تشخيصنا على الاعراض والحالة اللى المرضة حكتها....وعلى فكرة الدكاترة هما كمان محدش لا بياخد عينات ولا غيرة.....لان التشخيص فى الحالة دى بيبقى سهل ومش محتاج تحاليل...خاصة انها ممكن تكون محظوظة اوى ويكون عندها الاتنين الباكتيريا والفطريات او على الاقل اكتر من نوع
بس على العموم انا حقولكم على كام تحليل كدة لانهم سهلين اوى اوى وممكن تعملهم لو حبيت......بس حتجيب العينة منين؟؟
اوعوا حد الشيطان يلعب فى ودانة وعقلة يوزة انة يطلب من واحدة عينة....انا مكنتش عايز اقول اى تيست بس انتم ناس كبار والفروض عاقلين...ها
....انا قولت وحذرت....ورضيت ضميرى قدام ربنا...اللهم بلغت اللهم فشهد
العـــــــــــــــــــــــــــ ـــــــــــــــــــــــــــــل اج
ودا مبدئيا بس انما الادوية حنشرحها بجرعتها المرة الجاية ....انما دا العلاج العلاج بيكون ب
1- (metronidazole (flagyl 2- (clindamycin (dalacin---------------------------------------
2-Vaginal Candidiasis
اولا الفطريات دى بتكون موجودة وعايشة فى امان ووجودها طبيعى جدا عن السيدات ولكن لو زاد نموها عن المعدلات الطبيعية بتمثل وقتها الحالة المرضية...يعنى نقدر نعتبرها من الvaginal normal flora المهم مسببتها بتشمل التالى:-
1-candida albicans
2-candida tropicals
3-candida glabrata
وعرضة للموضوع دا بشدة
1-المريضات اللى بتستخدم حبوب منع الحمل
2-المريضات اللى مركبين لولب
3-حديثى الزواج بعد المرات الاولى فى ممارسة الجنس مع ازواجهم
4-المريضات اللى بتمارس الجنس بكثافة عالية
(....فعلا تلاقى الفطريات بتصيب بكثرة السيدات فى عز سن الخصوبة بسبب كثرة ممارسة الجنس مع ازواجهم....)
5-الحوامل
6-مريضات السكر والايدز
7- المريضات اللى بتستخدم المضادات الحيوية كتير وبكثافة
اعراض الموضوع دا بتكون التالى (history and symptoms)
1-هرش جامد جدااااا Pruritus ودا اهم عرض واكتر حاجة مميزة لانة فعلا بيكون جامد اوى ....وهوا دا اللى بيخلى المريضة تبدأ تروح للدكتور او تسأل
2-التهابات ولون احمر erythema وممكن تورم خفيف swelling فى الlabia
وكمان فى الvulva (الشفرات الصغرى او الكبرى او ربما الاثنين وكمان فتحة البول) وربما صاحبها حاجة بنسميها satellite lesion ودى بتكون مميزة جدا
3-افرازات لزجة بتكون عاملة زى اللبن المجبن او cottage cheese like
وطبعا بيكون لونها ابيض والمفروض انها تكون بدون رائحة...بس برضة منعتمدش اوى على الموضوع دا...لانة ممكن التراكم للافرازات يسبب ظهور روائحة تخلينا نغير التشخيص من فطريات لباكتيريا.....اة بالمناسبة
(لو واحد اخد مضاد حيوى للباكتيريا وسبب الاصابة فطريات بيسبب زيادة نمو الفطر اكتر من انة يسيبة من غير علاج.........زى بالظبط الاذن لو فيها فطريات وتعالجها حضرتك بمضاد حيوي....فدقق فى التشخيص اوى اوى اوى)
وعلى فكرة الافرازات دى ممكن تكون قليلة اوى ومش متلاحظة....يعنى مش جبنة جبنة يعنى.....حاول تنقى السؤال يكون ازاى...علشان متحرجش المريض ومتحرجش نفسك....
4-حرقان بوجة عام فى الvulva وحرقان فى البول vulvar candidiasis
ودا بيكون حرقان بمجرد ان البول يلامس منطقة الvulva
طبعا ممكن واحدة تيجى تقولك انا عندى حرقان فى البول .....حضرتك طبعا تتسرع
وتروح تقولها دى املاح ياخالتى متقلقيش....وتروح مطلعلها سيتروسيد ماغنيسيوم فوار....
شباب بلاش تسرع....انت مش ملزم بالتشخيص
التشخيص دا اجتهاد منك ....لو انت متأكد بنسبة 90% من التشخيص اوك
ومش كل الامراض برضة.......مش لازم المريض يكشف فى عيادة خاصة
كفاية انة يروح مستوصف يكشف ب3 جنية ويرجعلك وبعدين تبقى طلعلة العلاج
اللى يناسب حالتة....وصدقنى لو انت فهمتة حالتة وبعتة للدكتور...حيرجعلك مش حيفتكرك جاهل معرفتش......قولة انت عندك كذا بس زيادة تاكيد اكشف وارجعلى
والدكتور مش حيزود عن اللى انت قولتهولة....الدكتور مش فاضى اساسا يقولة حاجة
5-صعوبة فى ممارسة الجنس dysparenuia
ودا راجع للالتهابات اللى بتكون موجودة عندها....فبمجرد ان يحصل ملامسة للجزء دا
بيبقى فى الم شديد....ومع الاستمرارية بيزيد الالم وممكن متقدرش تكمل العملية الجنسية او تتمتع اساسا.....وكمان بتعرض زوجها لانتقال العدوى لية
6-عنق الرحم بيكون طبيعى ومش بيتاثرنهائيا
العـــــــــــــــــــــــــــ ـــــــــــــــــــــــــــــل اج
العلاج بيكون كالتالى برضة وشرح الدوا والجرعات المرة الجاية
1-azoles antifungal oral or/and topical
(ex:fluconazole.itraconazol.cl otrimazole)
2-Boric acid used in resistant cases
--------------------------
3-
Trichomonas Vaginalis
ودا بيسببة التالى
overgrowth of trichomonads.....are flagellated protozoans
-::::::::::::::::::::::infect
1-vaginal epithelium
2-less common endocervix & urethra &bartholine &skene gland
وعرضة للموضوع دا بشدة
1-المدخنات
2-المريضات اللى بتستخدم لولب
3-والجنس الجماعى (الحمد لله مش موجود عندنا...على حد علمى)
4-وهو مرض بينتقل جنسيا بالمقام الاول...و 80% من المريضات بينقلوا المرض
دا لازواجهم...علشان كدة الزوج هوا كمان لازم يتعالج...ويتوقفوا عن ممارسة الحياة الزوجية حتى يتم العلاج.
اعراض الموضوع دا بتكون التالى
(history and symptoms)
1-بتظهر الvulva ملتهبة ومتورمة erythematous & edematous 2-الافرازات بتكون متناسقة القوام ولونها بيكون ابيض او رمادى او اصفر او اخضر (الاصفر والاخضرا دابيكون راجع بسبب وجود كرات دم بيضاء فى الافرازات....زى تمام لما لون المخاط بيتغير فى الcommon cold بيكون لنفس السبب)
على فكرة النوع دا من الاصابة 20-50% بيكون بدون اعراض
asymptomatic
وممكن يكون فى هرش بنسبة 25% وكمان احنمال صعوبة فى التبول بنسبة 20%
تحسوا كدة ان التشخيص صعب.......بس انشاء الله حنسهل الموضوع دا
لان النسب مش بتعبر غير عن احتمالات....على الاقل بنستثنى الاصابة بالكانديدا او الباكتيريال فاجينوسس وقتها يكون تفكيرنا انة فى الغالب تريكومناس
3-
Small punctate cervical and vaginal hemorrhages
عامة التشخيص فى حالة التريكومناس المفروض انة مش بيعتمد نهائيا على الجانب الكلينكال انما (المفروض) يعتمد على التحاليل....لكن مين يسمع
(اهبد العيانة فلاجيل لحد ماتقول حقى برقبتى....وبعدين العناية الطبية فى اوربا وامريكا
عالية جدا عن عندنا...المريض بيعمل التحاليل وهوا واقف....عندنا...لو حظك وقع فى التامين...هوا الفلاجيل....ومفيش تحاليل....واللى مش عاجبة يشرب من النيل.....او اللى مش عاجبة يشرب بيتادين.....وبرضة حتاخدى الفلاجيل)
العـــــــــــــــــــــــــــ ـــــــــــــــــــــــــــــل اج
برضة دا مجرد العلاج انما المرة الجاية حنقول الجرعات والادوية بالتفصيل
1-metronidazole oral
ودا راجع ان الاصابة بتكون داخلية فى ال
urethra & skene & artholine gland
2-topical nonoxylnol-9 & povidone iodine
3-aberrant lactobacilli killed vaccine
ودا طبعا لسة فى اوربا ومازلت الابحاث بتجرى علية....يعنى انشاء الله على 2100م يحينا ويحيكم ربنا يكون وصل مصر..وساعتها حيكون ببتاع تسعومية ستومية جنية
وطبعا العلاج المثالى وقتها هوا اييييييييييييييييية؟ (الفلاجيل طبعا)
انا كدة خلصت الجزء الاول من الموضوع فاضل المرة الجاية حناخد التالى
1- ال
test اللى بتتعمل ودا موضوع جديد انشاء الله حنداوم علية بعد كدة
لان المفروض اننا مؤهلين لموضوع التحاليل دا ولازم نكون فاهمينة
2-الادوية والجرعات (انا عارف دى 4 مرة اقولها)
3-ازاى نتابع تحسن الحالة....واية الاسلوب المعيشى والاكل اللى مفروض تاكلة
4- روشتات دكاترة (والموضوع دا برضة جديد وحنداوم علية انشاء الله)
5- حالات واسئلة المرضى الشائعة (ودى برضة جديدة وانشاء الله نداوم عليها)
ارجو ان الموضوع المرة دى يكون الصياغة الجديدة او النظام الجديد دا يكون عجبكم
بقينا نقسم الموضوع ....ونعملة فى ايتمز بسيطة نقدر منها نفتكر الامراض ونسترجعها بسهولة.......
متحرموناش من تعليقكم....انا بكتب الموضوع فى حوالى ساعتين
مستخسروش فينا 30 ثانية تردوا فيها او حتى تسألوا او تعلقوا
حاجة جديدة كمان حنزودها....هيا ال
referances او المراجع العلمية اللى جبنا منها المعلومات دى....سواء علشان تكونوا متأكدين او لو عايزين تزودا على المعلومات دى
وبالمرة تعرفوا ازاى تعملوا ابحاث علمية...وتشوفوا هيا بتتعمل ازاى
اتمنى انى اكون مطولتش المرة دى وموضوع الايتيمز دا يكون خلى الموضوع اسهل و
ألذ من انة يتكتب دش كدة ورا بعضة
اخيرا اتمنى انى اكون بفيدكم فعلا....مش يكون مجرد كلام والله انا بتعب علشان اكتبلكم المواضيع دى....
موضوع: علاج الالتهابات المهبليه 
الإثنين مايو 03, 2010 5:22 pm
الموضوع المرة دى يكون شيق 
