نصيحة أب

إبنى ضنايا إبنى ضنايا هنايا عزوتي حالي

ظهري ذراعي اليمين صلبي جميع مالي

أنا عاوز أنصحك لله يا إبنى ده الضنا غالى

أنا رجلي والقبر يا إبنى وانتهى حالي

وإنت صغير وقلبك من الهموم خالي أسمع نصحتى تعيش مستور طوالى

أوصيك يا إبنى أمانة والوصية حساب إن يوم عطاك ربنا اعمل لبكرة حساب

اللي معاه قرش يا ابني بيعملوله حساب

وقل بالندر وأوفى تلتقي أحباب

وشور كبير المقام واللي يشور لم خاب

وصون لسانك يا ولدى ده اللسان عياب

والغيبة عيية وياما ضاعت عليها رقاب

ونقى لابنك أصيلة والنصيب غلاب

الحرة بتصون شرفها ولو راجلها غاب ونقى صاحب أصيل لا تعيب ولا تتعاب

لا تصاحب الندل ولا تمشى مع الكذاب الندل وقت اللزوم تلقاه فص ملح وداب

والكدب خيبة يا ولدى لا ودي ولا يوم جاب

لما دعاني بقيت مستور على الدوام طوالى