خاص للطلاب اللي داخلين إعدادي صيدلة ....

أولا مبروك لكل الطلاب اللي خلصوا ثانوية عامة

وقبلوا في كليات الصيدلة

وبما إن فيه طلاب كتير بيستفسروا عن كلية الصيدلة .. وعن كيفية الدراسة

ونظام المواد وتوزيعات الدرجات ..

وطريقة المذاكرة ...

فحبيت اننا نساعدهم بما أننا أخذنا خبرة إلى حد ما وممكن نفيدهم بشكل أو بآخر

بالنسبة للمواد عموما .. فهي إلى حد ما مش صعبة وأجمل حاجه انك متسمعش لحد يقولك السنة الفلانية دي صعبة والكلية دي معقدة أو انها سهلة زيادة عن اللزوم أو مش محتاجة مذاكرة ...... أو أو ...

خليك لحد ماتشوف بنفسك وتجرب أول سنة وبعد كده تبقى تحكم وتقول ...

فيه نقطة كمان ...

انت لازم تحدد انت دخلت كلية الصيدلة ليه ... وإيه هدفك منها

هل هو مجرد دخول كلية من كليات القمة ... وهي 5 سنين وأتخرج .. وآخد لقب دكتور وخلاص .. ؟؟

اوعى يكون هو ده السبب اللي خلاك تختار الكلية دي ...

خلي عندك هدف أسمى من كده وهوا انك تقدر تعمل حاجه مفيدة ... لغيرك .... لبلدك ..

بالنسبة للتدريب في الصيدلية ... فأنا بفضل انك تنزل صيدلية من دلوقت .. ولو مجرد إطلاع ومشاهدة مش أكتر ... هتسمعلك كم اسم دواء وتقرأ كم روشتة ... وتشوف الأمور ماشية إزاي ... وكمان هتكسبك ثقة في نفسك ... بس أنصحك تختار صيدلية فيها دكتور عنده استعداد انه يفيدك ويعلمك ... مش واحد يبقى متضايق من وجودك..

دي البداية وان شاء الله هنكمل كلامنا لاحقا ...

_________________
ربنا هب لنا من أزواجنا وذرياتنا قرة أعين واجعلنا للمتقين اماما

خاص للطلاب اللي داخلين إعدادي صيدلة .... 1y477219

نورالاسلام الطبى
اقوى قسم لتطوير المنتديات ونشرها بمحركات البحث

اقوى برنامج حقيقى لجلب الزوار

منتدى طبى اسلامى منوع حصريات رياضيه تطوير مواقع برامج كمبيوتر
[/center]

بخصوص الدراسة في السنة الإعدادية

في البداية لازم يكون معاك قاموس ... ويفضل يكون قاموس طبي سواء إلكتروني ...أو كتاب ... أو حتى على الموبايل ...

لأنك هتحتاجه بشكل كبير خصوصا في الأول

لأن زي ما احنا عارفين الدراسة هتكون بالإنجليزي ومعظم المصطلحات هتكون مصطلحات علمية .. وإوعر تتردد في انك تسأل دكاترتك ومعيدينك عن أي كلمة أو مصطلح مش فاهمه .. عشان تبقى فاهم كل حاجه ومتابع خطوة بخطوة ومتحسش إنك تايه وضايع ومش عارف تجمع ...

المواد غالبا بتكون عبارة عن ( لغة ونبات وحيوان وفيزياء وكيمياء )

بالنسبة للنبات فهو بيكون فيه حفظ بكمية كبيرة وبيكون شبه مادة الأحياء اللي درستها فالثانوي

الحيوان بيكون فيه مصطلحات كتير جديدة وبيكون فيه جزء تشريح ضفادع ... والتعرف على أجزاء الجسم

الفيزياء والكيمياء ... مش هيختلفوا كتير عن اللي درسته فالثانوية العامة بس مع توسع إلى حد ما ... وطبعا باختلاف اللغة اللي درستهم بيها وممكن عشان تقوي نفسك فيهم تاخد حاجه اسمها ( رفع كفاءة ) بتكون الكلية عاملاها .. وهي بتكون زي دروس خصوصية كده بس بتتاخد فالكلية واللي بيدرسوها معيدين عندكم فالكلية ...

واللغة دي بتكون ماده من خمسين درجه سهلة أوي ومافيهاش حاجه .. وهي عبارة عن قواعد إنجليزي خفيفة كده ..

_________________
ربنا هب لنا من أزواجنا وذرياتنا قرة أعين واجعلنا للمتقين اماما

خاص للطلاب اللي داخلين إعدادي صيدلة .... 1y477219

نورالاسلام الطبى
اقوى قسم لتطوير المنتديات ونشرها بمحركات البحث

اقوى برنامج حقيقى لجلب الزوار

منتدى طبى اسلامى منوع حصريات رياضيه تطوير مواقع برامج كمبيوتر
[/center]

خلينا نكمل ...

بخصوص كيفية الدراسة والمذاكرة .....

[لازم على مدار الأشهر تجرب كذا طريقة وأكتر من وقت للمذاكرة وتشوف أنسب الطرق وأكثرها فائدة وتركيزا بالنسبة ليك ... ولازم تعرف أن مذاكرة الثانوية العامة حاجة ... ومذاكرة الكلية حاجة تانية خالص ...

أكيد فيه ناس بتسأل .. طب أذاكر منين ؟؟ مفيش كتب وزارة ولا حاجه ؟؟

بالنسبة للسنة الإعدادية يفضل إنك تحضر محاضرات .. تخطط ورا الدكتور وتذاكر من الكتاب ..

وتبعد عن أي ورق تلاقيه فالمكاتب عشان غالبا بيكون خاص بالسنة اللي قبلها ..

ولو فاتك حاجه ممكن تصور محاضرات من واحد زميلك شاطر ..

فالبداية هتحس بنوع من التوهان وإنك مش هتنجح السنة دي و...و...
بس لازم تعرف إن الإحساس ده طبيعي جدا وكلنا حسينا كده فالأول ... وفي نهاية السنة جبنا أحلى التقديرات .

المهم إنك تحاول تقرأ اللي أخدته وتترجم المصطلحات الجديدة أول بأول ..ومرة في مرة هتحس إن

الأمور اتحسنت كتير وثقتك في نفسك زادت ..

فيه إيه كمان ممكن نتكلم عنه ...

بخصوص النشاطات والأسر والحاجات دي ..

أنا بصراحة مش من مشجعينها ، خصوصا في البداية .. لانها هتاخد من وقتك كتير وهتشتت تفكيرك .. خلي كل تركيزك في مذاكرتك .

وبعد ماتثبت نفسك وتكون رحت كليتك الأساسية ، ابقى شوف نظام الأنشطة هناك إيه .. ولو فيه حاجه لقيت نفسك فيها .. انضم ليها .. مع إني عن نفسي بفضل إنك تشغل وقتك في دورات خارجية ( كمبيوتر ومحادثة ولغات ... )

كل الحاجات دي هتساعدك في دراستك وكمان تكون معاك شهادات تنفعك لما تتخرج في مجال الشغل ..

_________________
ربنا هب لنا من أزواجنا وذرياتنا قرة أعين واجعلنا للمتقين اماما

خاص للطلاب اللي داخلين إعدادي صيدلة .... 1y477219

نورالاسلام الطبى
اقوى قسم لتطوير المنتديات ونشرها بمحركات البحث

اقوى برنامج حقيقى لجلب الزوار

منتدى طبى اسلامى منوع حصريات رياضيه تطوير مواقع برامج كمبيوتر
[/center]

فيه نقطة كمان

وهي موضوع الصداقة والصحوبية ..

كلنا فالأول حسينا إن إحنا لوحدنا وإن كل أصحابنا اللي كانوا معانا فترة الثانوي سابونا وكل واحد

راح لكلية أو حتى جامعة مختلفة

وخصوصا طلاب شهادات المعادلة يعني اللي أخدوا ثانوية عامة من بلد تانية غير مصر .. هيحسوا

بأحاسيس صعبة شويتين ..

المهم

مش شرط تصادق حد من أول سنة خليها مجرد زمالة

واتفرج على اللي حواليك واتعرف على طباعهم

وسيبك من نظام الشللية دي

وبعد كده ان شاء الله هتلاقي الصديق المناسب أو الأصدقاء يعني اللي هتكمل معاهم الخمس سنين

دول

بس المهم في الموضوع إنك ماتستعجلش الاختيار واختار صح

على كل الأحوال ده الكلام اللي جه في بالي دلوقت

ولو فيه نقطة معينة عايزين تعرفوها أو نناقشها سوا ... فأنا فالخدمة

مع تمنياتي للجميع بالتوفيق

_________________
ربنا هب لنا من أزواجنا وذرياتنا قرة أعين واجعلنا للمتقين اماما

خاص للطلاب اللي داخلين إعدادي صيدلة .... 1y477219

نورالاسلام الطبى
اقوى قسم لتطوير المنتديات ونشرها بمحركات البحث

اقوى برنامج حقيقى لجلب الزوار

منتدى طبى اسلامى منوع حصريات رياضيه تطوير مواقع برامج كمبيوتر
[/center]

السلام عليكم ورحمة الله وبركاته
أولا شكرا جزيلا على مجهودك الجميل واستجابة حضرتك لطلبى
ثانيا احب اعلق على بعض النقات فى الموضوع
1-النظام فى كلية الصيدلة الآن هو نظام حديث يعنى مبقاش فيه اعدادى وبعدين سنة اولى
2-الخمس سنين كلها فى كلية الصيدلة نفسها مش فى كلية العلوم ذى الاول
3-ومفيش (والله اعلم)معيدين يدرسوا لطلبة او حتى مراجعة اللى بيعمل كدة هو الدكتور اللى عايز يخدم الطلبة ودة بيكون بعد عناء شديد بس والله يشكروا انهم بيفقوا وفى منهم من غير مابنقول هم من نفسهم يقولولنا وانا لن انسى د\عمرو بدوى جزاه الله خيرا ود\محمد كمال يعنى هو ادانا شوية ولغاها بعد كدة لسبب بسيط ان واحد اتكلم والتانى كح فستغلها فرصة وقال مش هاديكو تانى بس الحمد لله
4-الانشطة فى الكلية كتير اوى وانا اول مادخلت الكلية يمكن من قبل مادخلها دخلت اسرة جميلة اوى اسمها (شباب مصر) بجد ناس مقطعة نفسها فى الشغل هو انا اه بشتكى انى مش عارفة انظم وقت للميتنج والحاجات دى بس بشتغل كويس ودة مش مقصر فى المذاكرة انا حتى بلاقى وقت اشرح لغيرى الحاجات للى مش فاهمها
5- تفتكر ان انا غلطانة والا ايه اصل الامتحانات جت صاعبة عن السنين اللى قبلها وخايفة جدا من التقدير اصل انا نفسى اجيب جيد حدا فيما فوق
وجزاك الله خيرا والسلام عليكم

السلام عليكم
اولا الموضوع حلو اوى ومفيد جدا
ثانيا:انا كنت عايزة اعلق على كام نقطة كدة

1:انا بالنسبة ليا حاسة ان موضوع رفع الكفاءة ده مش حلو وانو تضييع وقت انا اخدت فى الفيزيا ولقيتنى بضيع وقت جامد
2:كنت عايزة اقول ان احنا بناخد اعدادى فى علوم برده زى مااحنا بالنسبة لصيدلة الاسكندرية
Very Happy

شكرا جدا واتمنى اننا نستفيد كلنا

شرفت المنتدى ننتظر اسهاماتك

_________________
ربنا هب لنا من أزواجنا وذرياتنا قرة أعين واجعلنا للمتقين اماما

خاص للطلاب اللي داخلين إعدادي صيدلة .... 1y477219

نورالاسلام الطبى
اقوى قسم لتطوير المنتديات ونشرها بمحركات البحث

اقوى برنامج حقيقى لجلب الزوار

منتدى طبى اسلامى منوع حصريات رياضيه تطوير مواقع برامج كمبيوتر
[/center]

» سنة أولى صيدلة... بداية المشوار... (تلميحات هاااامة للطلاب الجدد)
» صيدلة واحد000000واحد صيدلة الجزء الثانى اقرأ واستغرب ولو عايز ترد رد{عجائب وغرائب
» ملتقى طلاب صيدلة الاسكندرية