عصـــtigerـــام
مشرف قسم
الجنس : 
عدد المساهمات : 22
العمر : 33
الجنسيه : مصر
علم بلدك : 
تاريخ التسجيل : 17/04/2009
نقاط : 44
 |  موضوع: رواية رومانسية(عن الفراق)  الثلاثاء يونيو 23, 2009 3:01 pm | |
| الجزء الأول
في الصالون :
نور : بسرعة تراني متأخرة على الحفلة
الكوافيرة : أوك مدام
نور : أي عفية
و بعد ربع ساعة كملت الكوافيرة تسريحة شعرها .. فخذت ثيابها و راحت تبدل ..
نور : كم صار ؟
الكوافيرة : 20 دينار
نور : تفضلي .. مع السلامة
الكوافيرة : مع السلامة
ركبت سيارتها و قعدت تمشي بسرعة جنونية لأن حفلة زواج خالها بدأ و هي لحد الحين مب هناك .. و ما أنتبهت الا على صوت ارتطام .. فطلعت من سيارتها مستحمقة ..
نور : أنت عمي ما تشوف ؟
.... : مسامحة أختي ما كنت أقصد أدعمج بس لأني مستعجل ..
نور و هي تقاطعه : لا و الله بس تفكر بنفسك حتى انا مستعجلة
.... و هو يطالعها من فوق لتحت : اي يبين عندج حفلة .. عيل ماني معطلتج و لة معطل نفسي .. بعطيج رقم موبايلي عشان تتصلين فيني و نحدد تكاليف سيارتج ..
نور : شوف يا ..
.... : يوسف
نور : شوف يا أخ يوسف أنا ما أقدر أطول الحين .. أنت هات الرقم و انا بعطيه لأبوي عشان يتصرف
يوسف : تفضلي
نور : دام فضلك
يوسف : أكرر أسفي .. في أمان الله
نور : مع السلامة .. و ركبت سيارتها بس ها المرة كانت تمشي بهدوء و تفكر بالحادثة اللي صار لها الى أن وصلت تفكر في الأخ اللي دعمها .. كان وسيم بطوله و شكله ..
نور و هي تقول بقلبها : أعوذ بالله أنا في شنو قاعدة أفكر .. بس شخصيته كانت قوية .. ليكون هاي أعجاب ؟ .. و استغرقت في تفكيرها الى أن وصلت للفندق
..
في الفندق ::
نور : السلام عليكم
نوف : و عليكم السلام .. و ينج ؟ كان رقدتي أكثر ؟
نور : شاسوي في طريجي واحد دعمني
نوف و هي تشهق : الله يقطع ابليسه ما لقى الا اليوم يدعمج .. بس عسى سيارتج ما تضررت وايد ؟
نور : لا بس انشمخت شوي .. و هو عطاني رقمه عشان يدفع تكاليف التصليح
نوف : لازم يدفع الا تعالي امك وايد تحاتيك
نور : وية عليها مسكينة
نوف : بسرعة امشي ندش القاعة عشان تتطمن عليك
نور : يالله عيل أمشي
( نوف هي أعز رفيجة عند نور .. و اللي قوى علاقتهم أكثر هو أن اليوم عرس خال نور ( حسن ) من خالة نوف ( أحلام ) )
في القاعة :
أم نور : وينك يمة تأخرتي وايد ؟
نور : شاسوي يمة تدرين زحمة الشوارع و لا واحد دعمني
أم نور و هي خايفة : وية على بنيتي الوحيدة عسى ما صادج شىء ؟
نور : لا يمة الحمدلله بس سيارتي شوي تشمخت
أم نور : الف حمدلله بدال السيارة عشر .. ما يغلى عليك شىء بنيتي
نور : يعلني ما انحرم منك يمة
أم نور : شخبارك نوف ؟ و شخبار أمك ؟
نوف : الحمدلله كلنا بخير ..
أم نور : أمك ما تبين وينها ؟
نوف : اكاهي عند العروس
أم نور : عيل أستأذنكم بروح عندها
نوف : نوارة قومي نرقص ؟
نور : اوكي
في قاعة الرياييل :
يوسف : تدري أحمد شصادني في الطريق
أحمد : شدراني .. ليكون شايفني ساحر
يوسف : خخخخ تنكت وية ويهك
أحمد : الا تعال شصادك ؟
يوسف : دعمت سيارة من السرعة
أحمد : عسى ما صار شىء ؟
يوسف : لا الحمدلله سيارتي صاحية بس سيارة البنية شوي تشمخت
أحمد و هو فاج عيونه : داعم بنية ؟
يوسف و هو سرحان : ولة كل البنات
أحمد : أقول يا السرحان .. شتفكر فيه ؟ تراني أفهمك .. فضفض اللي في قلبك
يوسف : هااا مدري شصادني من أول ما شفتها
أحمد : نقدر نقول حب
يوسف : هه روح ول .. اي حب يا ريال .. اممممم بس يمكن اعجاب
أحمد : كل شىء ممكن .. بعدين بنسولف عن ها السالفة .. قوم الحين نشاركهم بحفلة زواج خالتك أحلام | |
|
عصـــtigerـــام
مشرف قسم
الجنس :
عدد المساهمات : 22
العمر : 33
الجنسيه : مصر
علم بلدك :
تاريخ التسجيل : 17/04/2009
نقاط : 44
| | موضوع: رد: رواية رومانسية(عن الفراق) الثلاثاء يونيو 23, 2009 3:03 pm | |
| الجـزء الثـانـي..
أحمد : كل شىء ممكن .. بعدين بنسولف عن ها السالفة .. قوم الحين نشاركهم بحفلة زواج خالتك أحلام ..
يوسف : لا أمش نطلع برع .. أبي أشم شوية هوا بعيد عن الازعاج
أحمد : زين عيل قوم
( يوسف و أحمد ربع من هم صغار .. شنهم أخوان و أكثر )
في قاعة الحريم ::
نور : وايد ازعاج أمشي شوي نطلع
نوف : اي و الله انا مصدعة
نور : زين بروح اييب شيلتي و برد
نوف : ييبي شيلتي وياك
نور : تامرين أمر
في حديقة الفندق ::
نوف : الله شحلاة الجو
نور : يهبل مب مثل داخل الصالة حر و ازعاج
يوسف : قوم نروح الحديقة .. نشوف الطبيعة و الورود شوية
أحمد : أشوف الأخ صار رومانسي
يوسف : فج وية ويهك
أحمد : هههههه
يوسف و هو مستغرب : شوف هناك قاعدة البنية اللي دعمتها
أحمد : تقصد اللي قاعدة وية أختك
يوسف و هو يشد ايد أحمد : اي قوم نسلم عليهم
نوف : شوفي ها اللي قاعد ييي اخوي يوسف .. أنتي ولة قط مرة شفتيه
نور : أي ما شفت اخوج ابد ..
نور و هي مفججة عيونها : تشوفين اللي لابس بدلة .. هاي اللي دعمني
نوف : هاي هو اخوي
نور ما مداها تتكلم : ..
يوسف و أحمد : السلام عليكم
نوف و نور : و عليكم السلام
يوسف و هو يأشر على نور : مب أنتي اللي دعمتج
نور : اي انا
نوف : يوسف ما عرفتها هاي نور أعز رفيجاتي علطول أكلمك عنها
يوسف : هذي نوووووووووووووور
نور : اي انا نووووووووووووور
يوسف: تشرفنا بمعرفتك .. نوف علطول تكلمنا عنك
نور : عسى بالخير
يوسف وهو يبتسم : أي علطول بالخير
أحمد و هو يقطع حديثهم : شلونك نوف
نوف بحيا : الحمدلله بخير أنت شلونك
أحمد : الحمدلله يسرج حالي
يوسف : يالله نترخص
نوف : في حفظ الله
بعد ما راحوا يوسف و أحمد
نور : اقول يا الخاينة طلعتي تخشين عني سوالفك
نوف : اي سالفة
نور : اي بعد تغيبي .. قصدي عن سالفة أحمد
نوف أنقلب ويهها لون أحمر : عبالي عندك سالفة .. الله يسلمك هاي رفيق أخوي .. وايد وية بعض شنهم أخوان
نور : اهاااا يعني بس جذي
نوف : شتقصدين نورو
نور : اقصد يا الرومانسية أنك تحبينه
نوف و هي ترتجف : اي حب انتي وية ويهك
نور : ترى عيونك قاعدة تفضحك.. و تكشف الحقائق و تقول انك تحبينه
نوف و هي سرحانه : اي أحبة .. احبه
نور : ترى الحب مو حرام اذا كان صادق و بريىء
نوف و هي تقرب راسها من صدر نور : تظنين ها الشىء
نور : اي
في الصالة ::
حسن : هاي أحلى يوم بحياتي
أحلام بحيا : حتى أنا
حسن : شوفيني يا أحلام .. رفعي راسك
أحلام : .........
حسن : أوعدك أن حياتنا تكون مبنية على السعادة
أحلام : أتمنى ها الشىء
حسن : قومي حبيبتي نقطع الكيك
أحلام : أنشاءالله | |
|
عصـــtigerـــام
مشرف قسم
الجنس :
عدد المساهمات : 22
العمر : 33
الجنسيه : مصر
علم بلدك :
تاريخ التسجيل : 17/04/2009
نقاط : 44
| | موضوع: رد: رواية رومانسية(عن الفراق) الثلاثاء يونيو 23, 2009 3:04 pm | |
| الجزء الثالث
تمت حفلة الزواج على خير
و الحين حوالي الساعة الساعة 4 الفجر .. و المقربين من العروس و العريس لحد الحين في
الفندق ..
أم نور : يالله أخوي تأخر الوقت لازم تلحقون على الطيارة
حسن : زين انتوا وديتوا الشنط المطار
أم نور : السواق وداهم
حسن : تعبتك معاي يا ختي
أم نور : لا تقول شذي .. انا اللي ربيتك بعد وفاة أمنا الله يرحمها .. و سهرت على راحتك .. انت قبل ما تكون أخوي أعتبرك ولدي اللي أنحرمت من أنجابه ..
حسن : الله على كل شىء قدير .. يمكن ها الولد اللي ما يا يكون خير لش و لأبو نور
أم نور : و نعم بالله .. الا الطيارة متى بتحلق
حسن : الساعة 6 الصبح
أم نور : عيل سرعوا .. انا بروح أجهز لكم السيارة
حسن و هو ينادي أحلام : يالله حياتي , لازم نروح المطار
أحلام : وااااااااي تعبانة
حسن : رقدي في الطيارة
في المطار
حسن : مع السلامة
أم نور و هي تبشي : الله يسلمك يا الغالي .. تروح و ترد لنا بالسلامة
حسن : لا تبشين أم نور ..
أم نور : شاسوي .. تعودنا على دمك الخفيف .. و فضولك الزايد .. و راح نفقد كل ها الاشياء في فترة سفرك ..
نور و هي تضحك : حسووووون لا تنسى تييب لي الساعة اللي خبرتك عنها
حسن : هيي شايفتني أصغر عيالش ..
نور و هي تطلع لسانها : لا شايفتك أخوي هههه
حسن : صج مالت عليج .. بس ولة يهمج ابشري الساعة بشتريها لج
نور : فديــــــــــت ها الخال و الله
حسن : يا اللوســــة مصلحجية ..
يوسف من بعيد كان يطالعهم و كان يضحك على حركات نور الطفولية ..
حسن و هو يصارخ : يوسف قرب
يوسف : هلا بو علي انشاءالله تروح و ترد بالسلامة ..
حسن : وية ويهك احترمني يا أخي مب شني زوج خالتك
يوسف : الا و النعم .. بس لا تنسى ان خالتي تربت وياي ببيت واحد من صغري
( حسن و أحلام عانوا من صغرهم .. حسن ابوه مات لما كان في بطن أمه .. و امه ماتت بسبة مرض السرطان يوم كان 9 سنين .. فربته أخته الوحيدة أم نور .. أما عن أحلام فأمها و أبوها ماتوا يوم كانت 5 سنين في حادث سيارة .. فعاشت مع أختها الوحيدة أم يوسف .. )
حسن : هيه التاريخ قاعد يعيد نفس الأحداث
من بعيد أم يوسف كانت تلوح لهم .. ولما أقتربت ..
أم يوسف : ها حسن دير بالك على أحلام .. تراها قطعة من كبدي
حسن : ابشري . الا وينها الحين
أم يوسف: وية عليها تعبانة قاعدة على الكرسي هناك
حسن : عيل بروح أناديها لان الوقت وايد تأخر
أم يوسف : لا أنت روح كمل أجرائات السفر .. بقول لنور تروح تخبرها
حسن : انشاءالله
أم يوسف و هي تقول لنور : روحي نادي خالتش
نور : انشاءالله يمة
حسن يوم كمل كل اجرائات السفر .. و كان يبي يرد عشان ياخذ احلام لقى بطريجه بو نور و بو يوسف ..
بو نور : هلا بالمعرس ..
حسن : هلا و غلا بزوج اختي
بو يوسف : انشاءالله تروح و ترد بالسلامة
حسن : الله يسلمك
بو يوسف : ترى الطريج لفرنسا طويل ..
حسن : اي و الله .. الله يستر على ما اضن بشوف اكثر من 7 افلام في الطيارة
بو نور : ههههههههه عيل توفير عشان شهر ما تروح السينما
بو يوسف و حسن : ههههههههههههه
بو نور : متى بتحلق الطيارة
حسن : اوووووو نسيت احنا وايد متاخرين .. خلونا الحق على المدام
بو نور : قوم اركض قبل ما تلحقك بالعصا
حسن : حرااااااااام
بو يوسف : ان كيدهن عظيم
حسن : ترى ما ارضى على حرمتي .. ووي فمان الله .. تراني وايد متاخر
راح حسن و خذ زوجته و دخلوا في الطيارة .. بأنتظار موعد التحليق | |
|
عصـــtigerـــام
مشرف قسم
الجنس :
عدد المساهمات : 22
العمر : 33
الجنسيه : مصر
علم بلدك :
تاريخ التسجيل : 17/04/2009
نقاط : 44
| | موضوع: رد: رواية رومانسية(عن الفراق) الثلاثاء يونيو 23, 2009 3:05 pm | |
| الجزء الرابع
في الطيارة الكابتن :
بسم الله الرحمن الرحيم .. الآن اربطوا احزمة الأمان .. اتمنى لكم رحلة موفقة باذن الله
أحلام كانت قاعدة صوب الدريشة تتأمل ساحة الطائرات في المطار ..
حسن : حبيبتي ربطي حزامج
أحلام : ربطته من زمان
حسن : شفيش ليش كل ها اللحزن على ويهك
أحلام : ما فيني شىء بس بشتاق لأهلي و بلدتي وااااايد
حسن و هو يضغط على ايدها : تطمني حبيبتي ما دامش وياي اكيد بتكونين بخير
أحلام سكتت و قالت في قلبها : هيه يا حسن حاسة ان شىء شايد بيصير في حياتي
و من التعب نامت ..
حسن : أحلام قومي عقب ربع ساعة بنوصل
أحلام : لحد الحين تعبانة
حسن : لما بنوصل الفندق نامي
أحلام : لا خلاص النوم راح من عيني
حسن : اكاهي المضيفة يات.. شتبين فطور
أحلام : كروسون
حسن و هو يكلم المضيفه: 2 كروزون لوسمحتي
المضيفة : تفضل .. و مشت عنهم
حسن : اكلي حبيبتي
أحلام بحيا : مشكور
حسن : فديت ها الحيا و الله
أحلام : يووووووز عني
حسن : هههه
و بعد ربع ساعة و صلوا مطار فرنسا ..و الطيارة كانت وايد زحمة فخاف حسن انه يفقد أحلام
حسن : حبيبتي تعالي هني
أحلام : وايد زحمة اخاف اضيع
حسن يود ايدها و قال لها : الحين ما بتضيعين
أحلام ابتسمت : ..........
في المطار كان ينطرهم سايق الفندق .. فركبوا وياه ..
لما وصلوا الفندق :
السايق : بابا انت روح داخل و انا بنزل كل شىء
حسن : تعرف رقم الغرفة
السايق : اي بابا غرفة 9
حسن : اي عيل احنا بندش
دخلوا و كملوا اجرائات الاقامة في الفندق .. و بعدين ركبوا لغرفتهم
كانت غرفة وايد فخمـــــــــة فعجبت أحلام ..
أحلام : يا سلام الغرفة روووووعة
حسن : اهم شىء عاجبتش
أحلام : كل شىء منك حلو حبيبي
حسن : عيدي الكلمة من يديد اول مرة تقولينها
أحلام أستحت فغيرت السالفة : شنة السايق وايد تأخر
حسن حس بخوفها فيود ايدها و قعدها يمه على السرير : احلام انتي الحين زوجتي و انا زوجش يعني لازم ما تستحين
أحلام و هي منزلة راسها : ....
حسن : خلاص توعديني انش ما تستحين
أحلام هزت راسها : ......
حسن ما مداه يتكلم الا دق الجرس : شنة السايق ياه
فقام و راح بطل الباب ..
و خذ الشنط للداخل .. فقعدت أحلام ترتب و تصفف الملابس في الخزانة ..
و في ها الوقت حسن من تعب الطيارة رقد .. فهي راحت قعدت في الصالة تشوف التلفزيون ..
في البحرين:
( بالأخص في بيت بو نور )
نور قاعدة تكلم نوف في التلفون : قوة يا الغلا
نوف : الله يقويش حبيبتي ..
نور : ها مستعدة حق الجامعة بكرة
نوف : اي اليوم رحت السوق و شريت كل شىء
نور : بكرة أول يوم .. شكثر مشتاقة حق رفيجاتي اللي كانوا وياي في التوجيهي
نوف : اي و الله حتى انا مشتاقة حق الشلة .. تعالي نورو انتي مختارة أي تخصص
نور : محاسبة .. و انتي
نوف : هندسة .. بس أخوي يوسف مختار مثلش محاسبة
نور : ليش نوفو أخوج في اي سنة جامعة
نوف : قدنا
نور : هااااااااا .. انتوا تؤأم
نوف : اي ما تدرين .. كل ها السنين صديقتي و ما تدرين
نور : لا و الله ما كنت دارية
نوف : عيل يمكن يكون ويايش في الصفوف
نور : كل شىء جايز يالله بخليش الحين أمي تناديني
نوف : اوكي تيك كير باي باي
نور : يو تو باي
نور : ها يمة خير
أم نور و هي خايفة : خالك ما أتصل
نور : لا يمة اشدعوة بيتذكرتا الحين ..
أم نور و هي مستحمقة : لا تقولين شذي عن خالك
نور : ها الحقيقة يمة الريال رايح شهر العسل يعني اكيد مشغول ..
رن التلفون : تررررررررررررررررررررررررررررررن
أم نور نقزت في مكانها و بسرعة راحت ردت على التلفون : الوووووو
حسن : يا احلى الوووووو شخبارك
أم نور : بخير يا خوي .. بسماع صوتك .. شخبارك شمسوي
حسن : ههه شوي شوي علي .. لها الدرجة مشتاقة لي .. الله يستر اذا شهر ما بتشوفيني ..
أم نور : اي الله يستر ها طمني عليك و على العروس
حسن : كلنا بخير .. الف حمدلله .. جو باريس عجيب
أم نور : عسى الله يسعدكم دوم
نور و هي تكلم أمها : عطيني التلفون بكلم خالي
أم نور و هي تكلم حسن : كاهي أم لسانين تبي تكلمك
حسن : هههههههههه وينها
نور : كاني يا الخال .. ها لا تنسانا .. اخاف قعدة الحبايب تنسيك الاهل
حسن : افا و الله يا بنت أختي ..
نور : عطني خالتي أحلام بكلمها
حسن و هو ينادي أحلام : نور تبي تكلمك
أحلام : الوو السلام عليكم
نور : و عليكم السلام
أحلام : شخبارك نور
نور : تمام خالة انتي شخبارك
أحلام : اوكي ..
نور : ها عاد اذا خالي سوى لك شىء ولة ضايقك .. اول شىء لازم تسوينه تدقين علي عشان اادبه
أحلام : ترى ما أرضى على زوجي
حسن و هو يكلم أحلام : شقالت ها الخبلة
أحلام : تقول اذا ضايقتني اتصل فيها عشان تأدبك
حسن سحب التلفون من أحلام : مع السلامة
و صك التلفون على ويه نور نور : ويعة
أم نور : تستاهلين شنو ها الكلام اللي قلتيه
نور : يووووووووو خليني .. بروح أرقد ابرك لي بكرة وراي دوام الجامعة
أم نور : الله يهديك | |
|
