احلى اكلات شم النسيم 2012

احلى اكلات شم النسيم 2012

اكلات شم النسيم

الرنجة

المقادير:

رنجة مدخنة
طماطم مقطعة قطع صغيرة
عصير ليمون
ربع فنجان زيت
الطريقة:
اشوي الرنجة على النار مباشرة لغاية ما تلاقي إن الجلد بدأ يتشقق، بعد كده اخليها من الأشواك وقطعيها قطع متوسطة الحجم هاتي صنية وحطي فيها الزيت، وبعد كده ضيفي إليه الطماطم وقلبيهم مع بعض لمدة 5 دقائق، وبعد كده ضيفي إليهم الرنجة وعصير الليمون مع التقليب لمدة 10 دقائق بعد كده قدميها وبالهنا والشفا.

الفسيخ والسردين

بالنسبة لعمل الفسيخ والسردين فإن أحسن طريقة لعمايلهم هي إنك تنضفيهم كويس من القشرة ومن جوه وبعد كده وتقسميهم قسمين وترشي عليهم زيت وليمون.
وياريت إنك تعملي العملية دي قبل يوم شم النسيم بيوم علشان يتنقع الفسيخ والسردين في الزيت والليمون كويس وبالتالي تقل نسبة الملوحة فيهم.

سمك مشوي عادي

فيه ناس مش بتحب الرنجة والسردين والفسيخ علشان كده هنقول لك على كذا طريقة لعمل السمك المشوي ممكن إنك تجربيها في اليوم ده..
المقادير:

سمك
نصف راس ثوم
معلقة كبيرة كمون
معلقة ملح
معلقتين شطة حمراء مطحونة.
ربطتين كزبرة
معلقة صغيرة بهارات
معلقة خل
الطريقة:
افرمي الكزبة بس الفرمة تكون خشنة ودقي الثوم مع الكمون والبهارات والملح والفلفل الأحمر والليمون وبعد كده ضيفيهم إلى الكزبرة واحشي بيهم قلب السمكة ورشي ماء الحشو على السمكة من فوق وسيبي السمكة نصف ساعة لغاية ما تتّبّل وبعد كده حطيها في الفرن لمدة نصف ساعة أو أقل لغاية ما تلاقي السمكة استوت.. بعد كده طلعيها وقدميها وبالهنا والشفا.

سمك فيلية في الفرن

المقادير:
كيلو سمك شرائح فيليه
عصير 3 ليمونات
نصف كوب كزبرة خضراء مقطعة قطع صغيرة
3 ثمرات فلفل أحمر حار مقطع قطع صغيرة
3 ثمرات طماطم مقطعة قطع صغيرة
5 ملاعق كبيرة زيت ذرة + 5 ملاعق كبيرة زيت زيتون
2 معلقة صغيرة كمون
2 معلقة صغيرة فلفل أسود
2 معلقة صغيرة ملح
الطريقة:
اخلطي جميع البهارات الموجودة مع الطماطم والليمون والفلفل والكزبرة والزيت والثوم والبصل وحطي نصفهم في صينية فرن مستطيلة وبعد كده رصي السمك وباقي الخليط فوق السمك وحطيه في الفرن على درجة حرارة متوسطة لغاية ما يستوي وقدميه في طبق مع خس أخضر وشرائح الليمون وبالهنا والشفا.

سلطة سمك الرنجة المدخن

سمك الرنجة عندنا بمصر منه المملح المدخن ومنه النىء ولا أعرف اسمه فى البلاد العربية اللأخرى
هذه الوصفة حسب الر غبة وتضاعف أيضا حسب الرغبة

المقادير

سمكة رنجة

1 بصلة متوسطة مقطعة مكعبات

3طماطم متوسطة مقطعة مكعبات

لليمونة كبيرة

القليل من البقدونس المفرى

ملعقة زيت
الطريقة
نمشى السمكة فوق النار قليلا من الجانبين حتى تحمر الجلدة وذلك لسهولة ازالة القشرة ثم نبدأ بازالة الأشواك قدر المستطاع ونقطع لحم السمكة الى قطع صغيرة ثم نضيف لها البصل و الطماطم المكعبات وعصير الليمون والبقدونس و ملعقة الزيت وبالهناء والشفاء و يا رب تعجبكم

************

طريقة عمل فطيرة شم النسيم في البيت..

المقادير:
كيلو دقيق.
ربع كيلو زبدة.
ربع زجاجة زيت ذرة.

خميرة (في حجم عين الجمل).
بيض مسلوق. 8 بيضات. 1/2 ملعقة صغيرة ملح.

الطريقة:
ينخل الدقيق مع الملح.. تدعك الخميرة بيرة مع السكر السنترفيش حتى تسيل ويضاف إليها الماء الدافئ، وتغطى، وتترك في مكان دافئ حتى تخمر.. يوضع نصف مقدار الدقيق في إناء العجين، ويضاف إليه الخميرة والبيض المخفوق قليلا، والزبدة السايحة ويقلب المقدار بالملعقة الخشبية من 4 إلى 5 دقائق حتى تتكون عجينة ملساء ناعمة.. يضاف باقي الدقيق ويعجن المقدار باللبن مع العجن باليد حتى تتكون عجينة ناعمة تترك جوانب العجينة.

يتم تغطية ترابيزة المطبخ بالدقيق، وتوضع فوقها العجينة وتلف باليدين جيدا حتى تصير العجينة ملساء لا تلتصق.. تكور العجينة وتوضع في إناء العجن بعد دهنه بالزبدة السايحة، وتغطى وتترك في مكان دافئ، وتترك حتى يتضاعف حجمها، وتخمر جيدا من 30 إلى 45دقيقة.

التشكيل:
يمكن تشكيل العجينة على أشكال مختلفة ووضع البيض الملون في الوسط بعد السلق، وتدخل الفرن، وبعد ما تخرج من الفرن وتبرد نرشها بالسكر البودرة.

الرنجة بالطحينة

روعهv

» اكلات مميزه لشم النسيم 2012
» شوفوا احلى ازياء 2012
» احلى ازياء محجبات 2012