فراخ محشية بالخلطة المصرية

المقادير :

فرخة مغسولة جيدا
كوب ارز مصرى مغسول ومتصفى
بصلة متوسطة مبشورة
حوالى 350 جرام كبد فراخ مقطعة قطع فى حجم نواه المشمش (لااازم؟ )
التوابل(ملح - فلفل اسود - كمون - كزبرة )
2 مكعب مرقة الدجاج ماجي
ربع كوب زيت
كوب ماء

الطريقة :

فى اناء متوسط الحجم نضع الزيت على النار حتى يسخن
ثم نضع فيه الكبده حتى تنضج ويجف الماء منها تماماويصبح الموجود فى اسفل الاناء هو الزيت فقط
بعد ذلك قومى باضافة الارز المغسول والمصفى من قبل
وهدى النار شوية وقلبى الارز جيدا مع الكبد لحد ما ينشف منه الماء يعنى تقريبا لمده خمس دقائق
بعد ذلك نضع البصلة المبشورة ونقلب الارز والكبد والبصل لمدة ثلاث دقائق اخرى ثم نضيف التوابل
وبعد ذلك نضيف الماء والماجى والملح
بعد ان يتشرب الارز للماء سوف تلاحظى ان الارز مازال نىء بعض الشىء لا تنسى انه سوف يوضع على النار مرة اخرى
بعد ذلك ارفعى الاناء من على النار واتركيه حتى يبرد

قومى باغلاق الفتحة العليا للفرخة بخلة الاسنان وقومى بحشو الفرخة سوف تلاحظى ان جوف الفرخة صغير ولن يساع كل الحشو قومى بحشوها من تحت الجلد مثل المطاعم اللى بندخلها نلاقى الفرخة اد الديك الرومى حاجة تغيظ والاخر يطلعوا شوية رز تحت الجلد
المهم
بعد ما تخلصى الحشو حطى رجل الفرخة على بعضها بالطريقة المعتادة يعنى تكتفيها تخليها فرخة انتيكة وتحط رجل على رجل لو تعرف اللى هيحصلها كانت طارت من الحلة

ثم توضع في صينية و تحمر في فرن درجة حرارته معتدلة لمدة ساعة تقريباً ... ...
ثم تقدم ساخنة مع الأرز المفلفل ..

منقول

_________________
سبحان الله وبحمده سبحان الله العظيم

» فراخ بانيه محشية بالجبن الرومى
» الارز بالخلطة
» بيكاتا شمبنيون فراخ