السلام عليكم و رحمة الله و بركاته
بصوا يا جماعة أنا عملت الموضوع ده علشان كل واحدة -أو واحد طبعا- تقول بتتعامل مع أولادها أزاي؟!!!!!!....... يعني كل واحدة تقول موقف قابلها أو قابل جوزها أو أي حد تعرفه لأبنها أو بنتها أو أي طفل(موقف ظريف أو موقف محرج أو.....أو......) و أزاي أتعملوا مع الموقف حتى لو شافت بعديها أنها أتصرفت غلط عشان نتعلم من أخطأنا و أخطاء الأخرين و عشان نعرف طرق جديدة وصحيحة في تربية الأطفال ................. يا ريت عايزة الكل يشارك في الموضوع ده............. أذا كان عندك أطفال أو لأ .............. مش مهم, المهم الرأي , يعني لو واحدة علقت على طريقة حد محدش يزعل.......... مفيناش من زعل هنا
ولو فيه موضوع معمول زي ده يا جماعة محدش يزعل, يا ريت تقولولي عليه عشان أتابعه
و هبدأ أنا يا جماعة عشان أشجع الكل.............. و يا ريت الكل يقول رأيه
أنا عندي طفل عنده 5 سنين و نص و طلعان عيني معاه يا جماعة........... الجيل الجديد ده جيل عجيب..........أعتقد كل اللي بيتعملوا مع الجيل ده شايف أن أحنا مكناش أطفال كنا ملايكة...............لأ و اللي مزودلي الموضوع جدا أن جوزي ما بيحبش يزعل أبننا أبدا لأنه أتربى وحيد مع مامته بس لأن والده أتوفى "الله يرحمه" و هو لسة بيبي صغير جدا............لدرجة أني أوقات بحس أن هو اللي أبنه مش باباه..................و بيصدقه في كل حاجة لدرجة أنه بقى بيشتغلوا على طول دلوقتي و أنا هحكيلكوا دلوقتي موقف من مواقف أبني معايا أنا و جوزي
كنا بايتين في بيت أهلي و مامتي جابتلي أنا و "يوسف" أبني شيكولاتة (مش عايزة أقولوكوا أنا أعيل منه في الحاجات دي جدا) و هو أكل بتاعته و أنا سيبت بتاعتي.......... و الصبح يوسف صحي قبلينا و راح قعد مع مامتي و بابايا..........و بعد ما صحيت بشوية ملقتش الشيكولاتة فسألت جوزي قالي يوسف صحاه و قالوا أن مامتي عايزة الشيكولاتة اللي جابتهالنا و طبعا جوزي قام مديهالوا..........و طبعا أنا مدخلش دماغي الكلام ده و قلت لجوزي أن ماما عمرها ما هتجيبلنا حاجة و تاخدها تاني كنت حاسة أنه بيكدب.......... و بالذات أني عارفة أنها جايبالهم هما كمان...............فندهنا على يوسف و سألناه مين اللي كان عايز الشيكولاتة دي........... رد علينا نفس الرد أن مامتي هي اللي كانت عايزاها........... فرديت أنا عليه و قلتله أن فيه شيكولاتة تانية برة يبقى مامتي عايزاها ليه......... قالي أصل اللي عند جدو و تاتا ساحت فكانوا عايزينها عشان يكلوها..........فسألته يعني أنت متأكد أن مش أنت اللي كنت عايزها.........قالي لأ.........طبعا أنا مقولتلوش أني هتأكد من مامتي.........و أما أتأكدت أنه كان بيكدب نداهته تاني و بدانا نسألوا تاني بس المرة دي كنا مصممين نوقعوه........لحد ما حس أن أحنا عرفنا فقالنا الحقيقة أن هو اللي كان عايزها و أما سألته وقلت كلام غلط ليه قالي خفت تقوليلي أفطر الأول و بعد كدة أبقى كل شيكولاتة, أنا معرفتش أعمل معاه أه؟!!!!! المهم أني قررت في الأخر أني أعاقبه و أمنعه من كل حاجة بيحبها لمدة كام يوم و فهمته أن اللي بيقول غلط بيتمنع من كل حاجة بيحبها, الأجمل بقى أن بعدها بشوية صغيرة كان جوزي نسي اللي حصل وجابله كل اللي هو عايزة.............. تفتكروا أنا أتصرفت صح؟!!!!!!!!!!!!!! نفسي أعرف أزاي أتصرف معاه و مع أبوه اللي مدلعه
ده من أقل المواقف ليا مع يوسف و جوزي ...............الكل يقول رأيه يا جماعة و اللي عنده مواقف يحكيها و أنا لو عجبكوا الموضوع هبقى أحكي مواقف تانية كتير منها اللي أحرجني جدا قدام الناس
موضوع: مواقف للأطفال و كيفية التعامل معها 
الأربعاء سبتمبر 23, 2009 11:04 pm
